Cайт ранги: A A


Бошқа тадбирлар

Олий Мажлис Қонунчилик палатасидаги “Миллий тикланиш” ДП фракциясига янги раҳбар сайланди

Олий Мажлис Қонунчилик палатасидаги “Миллий тикланиш” ДП фракциясига янги раҳбар сайланди

 Жорий йилнинг 13 июнь куни Олий Мажлис Қонунчилик палатасида Ўзбекистон "Миллий тикланиш" демократик партияси ҳамда Олий Мажлис Қонунчилик палатасидаги партия фракциясининг қўшма йиғилиши бўлиб ўтди.

Йиғилишда партия фракцияси раҳбарини сайлаш ва фракция раҳбари номзодини Олий Мажлис Қонунчилик палатаси Спикери ўринбосари лавозимига кўрсатиш масалалари кўриб чиқилди. Йиғилишда партия фракцияси раҳбарлигига Ўзбекистон "Миллий тикланиш" демократик партияси Марказий кенгаши раиси, фракция аъзоси Алишер Қодиров сайланди ва Олий Мажлис Қонунчилик палатаси Спикери ўринбосари лавозимига Алишер Қодиров номзодини таклиф қилишга келишиб олинди.

Олий Мажлис Қонунчилик палатасининг шу куни бўлиб ўтган мажлисида қуйи палата Спикери ўринбосари лавозимида фаолият юритган Сарвар Отамуратовни Ўзбекистон Республикаси Олий Мажлиси Қонунчилик палатаси Спикерининг ўринбосари ҳамда Ўзбекистон Республикаси Олий Мажлиси Қонунчилик палатасининг Инновацион ривожланиш, ахборот сиёсати ва ахборот технологиялари масалалари қўмитаси аъзоси лавозимларидан озод этиш тўғрисидаги масала кўриб чиқилди ва қуйи палатанинг тегишли қарори қабул қилинди.

"Миллий тикланиш" демократик партияси фракциясининг таклифига асосан Алишер Қодиров Ўзбекистон Республикаси Олий Мажлиси Қонунчилик палатаси Спикерининг ўринбосари этиб сайланди.

 

Ўзбекистон Республикаси Олий Мажлиси

Қонунчилик палатаси Матбуот хизмати


Кўришлар сони: 1065

Депутатлар минбари

Янгиликлар

18.10.2019
“Метрология тўғрисида”ги қонун одамлар муаммосини ҳал этадими?

Ўзбекистонда миллий метрология тизимини янада такомиллаштириш, соҳага ривожланган давлатлар тажрибасини...

18.10.2019
Симурғ маконига элтадиган қонун лойиҳалари

Ҳазрат Алишер Навоийнинг “Лисон ут-тайр” асарида ибратли бир ҳикоят келтирилган. Қушлар ижтимоий ад...

18.10.2019
Депутатлар Бош вазирга парламент сўровини юборишга қарор қилди

Олий Мажлис Қонунчилик палатасининг 2019 йил 18 октябрда ўтказилган мажлисида қатор қонун лойиҳалари...

Тадбирлар тақвими