Cайт ранги: A A


Бошқа тадбирлар

Депутат аралашгач, мактаб қурилди

Депутат аралашгач, мактаб қурилди

Бугунги кунда барча давлат идоралари халқни йиллар давомида қийнаб келаётган масалалар ечимига жиддий эътибор қаратяпти. Тўғри, бунда кимдир одамлар оғирини енгил қилишга астойидил ҳаракат қилаётган бўлса, дард бировники дейдиган айрим мансабдорлар ҳам топилмоқда. Бинобарин, фуқаролар томонидан муайян масала юзасидан йўлланаётган ҳар бир мурожаат кўплаб инсонлар муаммоларининг ҳал этилишига сабаб бўлади.

...Фарғона вилоятининг Бувайда тумани, Бегабод ҚФЙ, Олтинқўрғон МФЙ аҳолиси фарзандларининг таълим олиши учун қишлоқдан бир неча километр узоқликда жойлашган 12-умумий ўрта таълим мактабининг филиали сифатида янги мактаб биноси қуриб берилишини сўраб, давлат идораларига бир неча бор мурожаат қилади. Мактаб филиали қурилиши 2016 йил давлат инвестиция дастурига киритилиши ҳақидаги жавобдан таскин топган Олтинқўрғон аҳолисининг “қурилиш дастурга кирмай қолди” деган гапдан ҳафсаласи пир бўлади.

Шундан сўнг маҳалла аҳли ушбу масалада ёрдам беришни сўраб ўзлари сайлаган Олий Мажлис Қонунчилик палатаси депутати Аваз Ўринбоевга хат билан мурожаат қилди.

Ўз навбатида, депутатнинг давлат идораларига қилган мурожаатидан сўнг мактаб биноси қурилишига киришилди. Оз эмас, кўп эмас, 210 ўринга мўлжалланган 2 қаватли замонавий мактаб биноси 6 ойда битказилиб, қишлоқ фарзандлари 2018-2019-ўқув йилини янги бинода бошлади. 12-умумий ўрта таълим мактабининг филиали сифатида ишлаётган мазкур илм даргоҳида бугун 1-6-синфгача бўлган 210 нафар олтинқўрғонлик қоракўз таълим-тарбия олмоқда.

«Депутатимиз саъй-ҳаракатлари билан қишлоғимиз аҳолиси неча-неча замонлардан бери кўнглига тугиб келган орзусига ниҳоят эришди, — дейилади Фарғона вилояти Бувайда Олтинқўрғон МФЙ аҳолиси оқсоқолларидан депутат Аваз Ўринбоев номига келган ташаккурнома мактубида. — Халқимиз бу кишидан ниҳоятда хурсанд ва миннатдорлигимизни сўз воситасида ифодалай олмаймиз. Тўй-ҳашамларда, йиғинларда элимиз таҳсинлар айтиб, дуо қилмоқда».


Кўришлар сони: 1837

Депутатлар минбари

Янгиликлар

22.10.2019
ДЕПУТАТЛАР ҲУКУМАТ АЪЗОЛАРИГА ПАРЛАМЕНТ СЎРОВИНИ ЮБОРИШГА ҚАРОР ҚИЛДИ

Олий Мажлис Қонунчилик палатасининг 2019 йил 22 октябрда бўлиб ўтган мажлисида депутатлар қонун ло...

22.10.2019
МИГРАНТЛАР МАНФААТЛАРИ ҲАМ ҚОНУНИЙЛАШТИРИЛМОҚДА

Олий Мажлис Қонунчилик палатасининг 2019 йил 22 октябрдаги мажлисида депутатлари бугунги кунда ҳамманинг...

22.10.2019
ТУШОВИ УЛОВИДАН ҚИММАТ БЎЛМАЙДИ

Аввал хабар берганимиздек, «Тадбиркорлик субъектларини тугатиш тартиби такомиллаштирилиши муносабати...

Тадбирлар тақвими