Cайт ранги: A A


Бошқа тадбирлар

Инсон ҳуқуқларини ҳимоя қилиш — устувор мақсад

Инсон ҳуқуқларини ҳимоя қилиш —  устувор мақсад

Урганч давлат университетида Олий Мажлис Қонунчилик палатасининг Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитаси томонидан Инсон ҳуқуқлари бўйича Ўзбекистон Республикаси Миллий маркази, БМТ Тараққиёт дастурининг мамлакатимиздаги доимий вакили ҳамда Фуқаролик жамияти шаклланишини мониторинг қилиш мустақил институти ҳамкорлигида “Инсон ҳуқуқлари умумжаҳон декларацияси ва инсон ҳуқуқлари соҳасида таълим олиш ҳуқуқи” мавзусида давра суҳбати ўтказилди.

Президентимизнинг 2018 йил 5 майдаги “Инсон ҳуқуқлари умумжаҳон декларацияси қабул қилинганининг 70 йиллигига бағишланган тадбирлар дастури тўғрисида”ги Фармонининг ижросини таъминлаш мақсадида ташкил этилган мазкур тадбирда ушбу ҳужжатнинг мазмун-моҳияти замирида, аввало, халқимиз турмуш фаровонлигини яхшилаш, мамлакатимизда миллатлараро тотувлик ва диний бағрикенглик муҳитини мустаҳкамлаш, жамиятда қонун устуворлиги тамойилини тўлиқ жорий этиш мақсади мужассамлиги алоҳида таъкидланди.

Иштирокчилар қайд этганидек, юртимизда Инсон ҳуқуқлари умумжаҳон декларациясида белгиланган асосий қоидаларнинг миллий қонунчилигимизга имплементация қилинган. Инсон ҳуқуқларини таъминлаш ҳамда ҳимоя қилиш борасида ўзига хос миллий тизим яратилган. Бу масалада махсус миллий институтлар ташкил этилган.

Шунингдек, Ўзбекистон декларация асосида қабул қилинган халқаро конвенцияларни ратификация қилиб, инсон ҳуқуқлари соҳасида умумэътироф этилган тамойилларга содиқлигини намоён этди. Бу саъй-ҳаракатлар, айниқса, Президентимиз Шавкат Мирзиёев томонидан илгари сурилган “Халқ давлат идораларига эмас, давлат идоралари халқимизга хизмат қилиши керак”, деган эзгу ғоя асосида янада ривожлантирилмоқда.

Инсон ҳуқуқлари умумжаҳон декларацияси инсон эркинликлари кафолатининг буюк хартиясидир. У инсоннинг шахсий, сиёсий, иқтисодий, ижтимоий, умуман, барча соҳадаги ҳуқуқ ва эркинликлари кўламини ўзида тўла мужассам этган халқаро ҳуқуқий ҳужжат ҳисобланади.

Давра суҳбатида таъкидланганидек, юртимизда соҳада олиб борилаётган кенг қамровли чора-тадбирлар инсон ҳуқуқ ва манфаатларининг таъминланишида муҳим омил бўлмоқда.

Худди шундай тадбир Бердақ номидаги Қорақалпоқ давлат университетида ҳам ташкил этилди.


Кўришлар сони: 6153

Депутатлар минбари

Янгиликлар

11.12.2019
Ўзбекистон — Япония: алоқаларни янада ривожлантириш масалалари муҳокама этилди

Ушбу тадбирни ўтказишдан мақсад Ўзбекистон — Япония ўртасидаги парламентлараро ва маданий-гуманитар...

09.12.2019
ДЕПУТАТЛАР УЗОҚ МУҲОКАМАЛАРДАН СЎНГ ЯНГИ ТАҲРИРДАГИ СОЛИҚ КОДЕКСИНИ ҚАБУЛ ҚИЛДИЛАР

Мажлисида депутатлар эътиборига иккинчи ўқишда ҳавола этилиб, муҳокама марказида бўлган долзарб ...

09.12.2019
Махсус иқтисодий зона иштирокчиларига ҚҚСдан енгилликлар белгиланмоқда

2019 йил 9 декабрь куни Олий Мажлис Қонунчилик палатасининг навбатдаги мажлисида депутатлар “Махсус...

Тадбирлар тақвими