Cайт ранги: A A


Депутат фикри

Авазбек ЖАЛИЛОВ: Ўзбекистон ва Тожикистон парламентлари ўртасида тузилган битим нимадан дарак беради?

Авазбек ЖАЛИЛОВ: Ўзбекистон ва Тожикистон парламентлари ўртасида  тузилган битим нимадан дарак беради?

2019 йил 7-8 октябрь кунлари мамлакатимизга ташриф буюрган Тожикистон Республикаси парламентининг қуйи палатаси раиси Шукуржон Зуҳуров бошчилигидаги делагация аъзолари билан Олий мажлис Қонунчилик палатасида ўтказилган учрашувлар икки мамлакат ўртасидаги дўстона муносабатларда муҳим аҳамиятга эга бўлди.

Ш.Зуҳуров таъкидлаганидек, кейинги уч йилда икки давлат Президентларининг сиёсий иродаси ва узоқни ўйлаб амалга оширилаётган оқилона сиёсати натижасида мамлакатларимиз ўртасида дўстона ҳамкорлик ўз натижасини бермоқда. Бунинг негизида, албатта, парламентлараро ҳамкорлик ҳам муҳим ўрин тутади.

Тожикистон парламенти делегациясининг мамлакатимизга ташрифи доирасида ўтказилган мулоқотлар ва ўзаро ҳамкорлик бўйича эришилган битим мустаҳкам дўстлик алоқаларининг мантиқий давоми бўлди. Икки тамонлама савдо-иқтисодий, маданий-гуманитар соҳаларда амалга оширилаётган ўзгаришлар икки қардош халқ манфаатларига хизмат қилмоқда. Ўзаро товар айирбошлаш ҳажми ошиши, ишлаб чиқариш, саноат йўналишларидаги олди-бердилар кенгайиб бораётгани, икки давлат ишбилармон ва тадбиркорларининг ҳамкорлиги кучайиши, чегараларнинг очилиши дўстлик ва яқин қўшничилик муносабатларини сифат жиҳатдан янги босқичга олиб чиқди. Мамлакатларимиз ўртасидаги ўзаро алоқаларнинг ривожланиши, муносабатларнинг чуқурлашиши ҳамда икки томонлама келишувларнинг амалга оширилишида парламентлараро алоқалар муҳим рол ўйнамоқда.

Шу ўринда айтиш жоизки, “Тожикистон Республикаси Мажлиси намояндагон Мажлиси Оли ва Ўзбекистон Республикаси Олий Мажлиси Қонунчилик палатаси ўртасида парламентлараро ҳамкорлик тўғрисидаги” битимнинг имзоланиши икки давлат ўртасидаги муносабатларда муҳим тарихий воқеа бўлди. Тожикистон ва Ўзбекистон халқлари ўртасидаги дўстлик ва ҳамкорликка асосланган анъанавий муносабатларнинг ривожланишида бу битимнинг аҳамияти юқори.

Икки давлат парламентлари вакилларининг конструктив ва ўзаро ишонч руҳида ўтган мулоқотлари ва бунинг натижаси ўлароқ имзоланган битим Ўзбекистон – Тожикистон ўртасидаги парламентлараро ҳамкорлик алоқаларини кенгайтириш, уни янги мазмун-моҳият билан бойитишда ҳамда мамлакатларимиз ўртасидаги савдо–иқтисодий, инвестициявий ҳамкорликни янада ривожлантириш, умуман, барча соҳадаги алоқалар кўламини кенгайтиришга хизмат қилади.

 

Авазбек ЖАЛИЛОВ,

Олий Мажлис Қонунчилик палатаси депутати,

Халқаро ишлар ва парламентлараро

          алоқалар қўмитаси раиси


Кўришлар сони: 33

Депутатлар минбари

Янгиликлар

14.10.2019
Парламентлараро иттифоқнинг 141-Ассамблеясида Ўзбекистон делегацияси иштирок этяпти

Унда парламент аъзолари томонидан гендер тенгликни яхшилаш, ёшларнинг ҳуқуқларини ҳимоя қилиш, депутатларнинг...

14.10.2019
Давлат бюджети парламент томонидан қонун асосида қабул қилинади

Айни кунларда парламент қуйи палатасида бир қатор қонун лойиҳалари маромига етказилмоқда. Хусусан,...

14.10.2019
Қонун лойиҳаларини ишлаб чиқишда давлат тили қоидаларига амал қилинадими?

Жамиятдаги муносабатларни ҳуқуқий жиҳатдан тартибга соладиган омил бу қонунлардир. Шундай экан, ...

Тадбирлар тақвими