Cайт ранги: A A


Депутат фикри

Қобил НОСИРОВ: Туризмни ривожлантириш соҳасидаги муносабатлар ҳуқуқий жиҳатдан мустаҳкамланади

Қобил НОСИРОВ: Туризмни ривожлантириш соҳасидаги муносабатлар ҳуқуқий жиҳатдан мустаҳкамланади

Бугунги кунда туризм энг жадал ривожланаётган ва сердаромад соҳалардан биридир. Шу боис, ҳар бир мамлакат мазкур соҳани ривожланитиришга алоҳида эътибор қаратмоқда. Эътиборлиси, сўнги йилларда табиий ёки экотуризм ҳисобига туристлар сони ҳам кескин ошиб бормоқда. Масалан, Кения 1,4 млн., Эквадор 1,2 млн., Коста-Рика 1,2 млн., Непал 1,6 млн. АҚШ доллари миқдорида соф даромад олаётир. Ушбу мамлакатларнинг экотуризмдан олган даромади давлат ички ялпи маҳсулотининг 70-80 фоизига тенг. Канадада табиий туризмининг умумий ҳажми ички туризмдан тушган даромаднинг  25 фоизини ташкил этади. Бу эса экологик тадбирлар учун давлат томонидан ажратилаётган маблағдан 5 баробар кўп эканидан далолатдир.

Таъкидлаш жоиз, мамлакатимиз экотуризм соҳасини ривожлантириш учун ғоят қулай имкониятларга эга эканлиги билан аҳамиятлидир.

Хўш, мазкур соҳани юртимизда янада ривожлантириш учун қандай ишларни амалга ошириш керак?

Биринчидан, туризм соҳасидаги норматив-ҳуқуқий базани такомиллаштириш, экотуризм индустриясини шакллантириш учун махсус қонунларни ишлаб чиқиш ва уларнинг ҳуқуқий механизмини яратиш, экотуризм билан шуғулланувчи, юридик шахс мақомига эга бўлган махсус турдаги субъектлар фаолиятини йўлга қўйиш ва уларни ҳуқуқий жиҳатдан қўллаб-қувватлаш чора-тадбирларини белгилаш керак.

Иккинчидан, кадрларни тайёрлаш, қайта тайёрлаш ва уларнинг малакасини ошириш, давлатларнинг ва халқаро ҳамжамиятнинг экотуризмга оид режа ва стратегик дастурларини ишлаб чиқиш ҳамда уларга юридик мақом бериш, хорижий ва халқаро ташкилотлар билан ҳамкорликни ривожлантириш зарур.

Учинчидан, туристик индустрияни ривожлантириш учун инвестициялар жалб этиш, экотуризм қадам жойларида кичик ва ўрта бизнесни ривожлантириш орқали қўшимча иш ўринларини яратиш, туристик инфратузилмаларни ҳосил қилиш керак.

Мамлкатимизда санаб ўтилган экотуристик принципларни амалда қўллаш мақсадида, соҳасидаги муносабатларни ҳуқуқий жиҳатдан тартибга солиш, туристик хизматлар бозорини ривожлантириш, шунингдек туристлар ва туристик фаолият субъектларининг ҳуқуқлари ва қонуний манфаатларини ҳимоя қилиш мақсадида 30 га яқин норматив ҳуқуқий хужжатлар қабул қилинди.

Туризм соҳасидаги муносабатларни ҳуқуқий тартибга солишни такомиллаштириш доирасида 2017-2021 йилларда Ўзбекистон Республикасини ривожлантиришнинг 5 та устувор йўналиши бўйича Ҳаракатлар стратегияси ва «Фаол инвестицилар ва ижтимоий ривожланиш» йилида амалга оширишга оид Давлат дастурида белгиланган вазифалар асосида янги таҳрирдаги «Туризм тўғрисида»ги Қонун лойиҳаси ҳам ишлаб чиқилди.

Мазкур қонун лойиҳасида туризм фаолияти субъектлари ва туристларнинг ҳуқуқ ва мажбуриятларини, шунингдек, туризм соҳасидаги ваколатли давлат органи ҳамда маҳаллий давлат ҳокимиятининг ваколати белгилаб қўйиилган. Шунингдек, туристик хизматлар кўрсатиш тартиби, қўриқланадиган табиий ҳудудларга туристларнинг киришлари, у ерда вақтинча бўлишлари ва ҳаракат қилишлари тартиби аниқ кўрсатилган.

Мазкур ҳужжатнинг қабул қилиниши туризм соҳасидаги муносабатларни ҳуқуқий жиҳатдан тартибга солиш, туристик хизматлар бозорини ривожлантириш, шунингдек туристлар ва туристик фаолият субъектларининг ҳуқуқлари ва қонуний манфаатларини ҳимоя қилишда муҳим аҳамият касб этади.

 

Қобил НОСИРОВ,

Олий Мажлис Қонунчилик палатаси депутати


Кўришлар сони: 1683

Депутатлар минбари

Янгиликлар

20.07.2019
Миллатлараро тотувлик ва диний бағрикенглик — демократик жамиятнинг асосий тамойилларидан бири

Пойтахтимиздаги Корейс маданияти ва санъати уйида Олий Мажлис Қонунчилик палатаси Халқаро ишлар ...

19.07.2019
ЎзХДП фракцияси фаолияти юзасидан ахборот берди

Қонунчилик палатасига киритилган қонун лойиҳалари бўйича фракциянинг 134 та таклифи ишлаб чиқилиб, ...

18.07.2019
Депутатлар автомобиль ойналарини қорайтириш масаласини қандай ҳал қилмоқчи?

“Адолат” СДП фракцияси депутатларига халқимиз томонидан ҳайдовчи ва йўловчиларни ёзнинг жазирама...

Тадбирлар тақвими