Cайт ранги: A A


Депутат фикри

Шуҳрат ЯКУБОВ: Инвестицион юксалиш — ижтимоий тараққиёт асоси

Шуҳрат ЯКУБОВ: Инвестицион юксалиш — ижтимоий тараққиёт асоси

Президентимизнинг иккинчи бор Олий Мажлисга йўллаган Мурожаатномаси, ўз мазмун-моҳиятига кўра, халқимиз фаровонлигини кўзлаб амалга оширилаётган шиддатли ислоҳотлар келгуси йилда ҳам мантиқий изчилликда, янада янги суръатлар билан давом этишини англатмоқда.

2019 йил мамлакатимизда «Фаол инвестициялар ва ижтимоий ривожланиш йили» деб эълон қилинишида юрт тараққиётининг асоси ҳисобланган иқтисодий барқарорликни таъминлаш ва у орқали аҳоли турмуш шароитини яхшилашдек бир-бири билан узвий боғлиқ ҳаётий эҳтиёж давлат сиёсатининг устувор йўналиши сифатида эътиборга олинган.

Мурожаатномада иқтисодий соҳани янада ислоҳ қилиш, инвестициявий қулай муҳит яратиш ва уларни кенг жалб этишга йўналтирилган муҳим вазифалар, ижтимоий соҳада ҳал этилиши зарур бўлган устувор йўналишлар белгилаб берилди. Шунингдек, суд-ҳуқуқ тизимини ислоҳ қилиш, замонавий бошқарув ва парламент назоратини кучайтириш, ташқи сиёсат ва хавфсизлик, фуқароларнинг тинчлиги ва осойишталигини таъминлаш борасидаги ислоҳотларнинг муҳим йўналишлари кўрсатиб ўтилди.

Президентимиз томонидан парламент назоратини янада кучайтириш борасидаги муҳим таклиф, яъни Ҳукумат аъзолари, вазирликлар ва давлат қўмиталари раҳбарларини лавозимга тайинланишида аввало номзодларнинг Олий Мажлис муҳокамасидан ўтиши амалиётига оид таклифлари энг асосий демократик тамойилларга асослангани билан эътиборга молик. Унга кўра, аввало, номзод ўз дастурини тақдим этади, амалга оширадиган ишлари, режалари ҳақида маълумот тақдим этади, депутатлар саволларига жавоб беради. Умуман, халқ вакиллари синовидан муваффақиятли ўтсагина, лавозимга тайинланади.

Мазкур амалиёт нафақат республика марказида, балки ҳудудларда ҳам жорий этилиши, яъни маҳаллий даражадаги раҳбарликка номзодлар ҳам аввало, тегишли халқ депутатлари вилоят, туман ва шаҳар кенгашларида муҳокама қилиниб, кейин лавозимга тайинланиши ҳам диққатга молик иш бўлди.

Юқоридагилар билан бир қаторда, кириб келаётган йилнинг бош ҳужжати бўлган Мурожаатномада баён қилинган ҳар бир устувор йўналиш бўйича амалга оширилган ишлар ҳақида Бош вазир ҳукумат аъзолари билан бирга Сенат ва Қонунчилик палатаси олдида ҳар чоракда ҳисобот бериб бориши механизми жорий этилишига оид таклифлар Президент ташаббуслари ижросини таъминлашда муҳим аҳамиятга эга.

Умуман, Президентимизнинг ушбу дастурий маърузаси мамлакатимиз тараққиёти йўлидаги жадал ислоҳотларга янада янги мазмун бахш этади, юртимизнинг иқтисодий тараққиёти, ижтимоий соҳадаги ривожланиш, аҳоли турмуш даражаси ва фаровонлигини юксалтиришга асос бўлади.

 

Шуҳрат ЯКУБОВ,

Ўзбекистон Республикаси Олий Мажлиси

Қонунчилик палатаси депутати,

“Адолат” СДП фракцияси аъзоси


Кўришлар сони: 1331

Депутатлар минбари

Янгиликлар

26.03.2019
Навбатдаги “Ҳукумат соати”да депутатлар саволларига Транспорт вазирлиги ҳузуридаги Автомобиль йўллари қўмитаси раиси жавоб беради

Қонунчилик палатасидаги навбатдаги “Ҳукумат соати” жорий йилнинг 2 апрель кунига режалаштирилган б...

26.03.2019
Истиқболли вазифалар белгилаб олинди

2019 йил 26 март куни Олий Мажлис Қонунчилик палатасидаги Ўзбекистон “Адолат” СДП фракцияси томони...

26.03.2019
Хотин-қизларга муносиб иш ўринлари яратиш – устувор вазифа

2019 йил 26 март куни Олий Мажлис Қонунчилик палатасидаги Ўзбекистон ХДП фракцияси ҳамда партия ...

Тадбирлар тақвими