Cайт ранги: A A


Депутат фикри

Қонунчилик палатасида инновация бўйича қўмита фаолият юритади

Қонунчилик палатасида инновация бўйича қўмита фаолият юритади

Олий Мажлис Қонунчилик палатасининг Ахборот ва коммуникация технологиялари масалалари қўмитаси номи қуйи палата қарорига кўра, Инновацион ривожланиш, ахборот сиёсати ва ахборот технологиялари масалалари қўмитаси, деб ўзгартирилди.

Мазкур қўмита раиси Илҳом Абдуллаевнинг қайд этишича, қўмитанинг вазифалари кенгайиб, мамлакатнинг инновацион ривожланишини таъминлаш, инновацион ғоялар ва технологияларни жорий этиш масалалари қўшимча равишда киритилмоқда.

– Яқин кунларда қўмита инновацияларни ҳар томонлама қўллаб-қувватлаш ҳамда амалиётга кенг жорий этиш бўйича истиқболдаги иш режасини кўриб чиқади, – деди Инновацион ривожланиш, ахборот сиёсати ва ахборот технологиялари масалалари қўмитаси раиси И. Абдуллаев. – Энг аввало, мамлакатда социал-иқтисодий масалаларни ечишда инновацион фаолликни кучайтиришни таъминлаш ва миллий иқтисодиётда рақобатдошликни оширишда муҳим ўрин тутадиган  “Инновацион фаолият тўғрисида”ги қонун лойиҳасини қабул қилишга тайёрлаш масаласига эътибор қаратилади.

Қўмита Ўзбекистон Республикаси Инновацион ривожланиш вазирлиги билан инновация ва инновацион фаолият соҳасида ҳуқуқий, иқтисодий ва ташкилий муносабатларни самарали тартибга солиш, ушбу соҳада илмий изланишларни олиб бориш ва рўёбга чиқаришга йўналтирилган комплекс чора-тадбирларни ишлаб чиқиш ва амалга оширишда ҳамкорлик қилади.    

Қайд этиш жоиз, шу сингари қўмиталар Европарламентда, Австралия, Ирландия, Канада ва бошқа давлатлар парламентларида ҳам фаолият юритади.


З. АШУРОВА


Кўришлар сони: 1425

Депутатлар минбари

Янгиликлар

22.04.2019
Болаларни мактабгача таълим муассасаларига қамраб олиш ҳолати қандай?

Бугунги кунда республикамиз бўйича 7 104 та мактабгача таълим муассасаси фаолият кўрсатиб келмоқда....

20.04.2019
Гулистонда энг замонавий, намунали поликлиника қуриладиган бўлди

Депутатларнинг Гулистон шаҳридаги ўрганишлари жараёнида тиббиёт муассасаларининг дислокацияси нотўғри...

19.04.2019
Жанубий Корея Республикаси Президенти парламент аъзолари олдида нутқ сўзлади

Корея Республикаси Президенти Мун Чже Ин Ўзбекистонга давлат ташрифи доирасида 2019 йил 19 апрель...

Тадбирлар тақвими