Cайт ранги: A A


Депутат фикри

Феруза ЭШМАТОВА: Миллий қонунчиликнинг халқаро нормалар ва стандартларга мувофиқлиги тадқиқ этилади

Феруза ЭШМАТОВА: Миллий қонунчиликнинг халқаро нормалар ва стандартларга мувофиқлиги тадқиқ этилади

Бугун кунда халқаро ташкилотлар, хорижий парламентлар, умуман олганда халқаро ҳамжамиятнинг Ўзбекистонга қизиқиши ва интилиши жуда юқори. Олий Мажлис олдида айни вақтда халқаро ва хорижий ташкилотлар, парламентлар билан миллий қонунчиликни такомиллаштириш масаласида тажриба ва ахборот алмашиш учун жуда муҳим вазифалар турибди.

Президентимиз ҳамда парламентимиз вакиллари томонидан хорижий мамлакатларга амалга оширилган қатор ташрифлар чоғида муҳим ҳужжатлар имзоланди ва бу ўртадаги кўплаб муаммоли масалаларнинг ечимини топишга хизмат қилди.

Эндиликда, миллий қонунчиликнинг халқаро нормалар ва стандартларга мувофиқлиги тадқиқ этилиб, уларни қонунчиликка имплементация қилиш соҳасида халқаро тажрибадан янада кенгроқ фойдаланишимиз зарур.

Шу муносабат билан Ўзбекистон Республикаси Олий Мажлиси ҳузуридаги Қонунчилик муаммолари ва парламент тадқиқотлари институтининг ташкил этилганлиги муҳим амалий қадамдир. Институтни шакллантириш жараёнида жаҳон тажрибасини, 50 дан ортиқ мамлакат амалиёти, яъни парламентга илмий-эксперт, таҳлил хизматини кўрсатадиган турли шаклдаги органлар иши ўрганилганлиги эътиборга молик. Масалан, Жанубий Корея, Япония, АҚШ, Германия, Туркия Польша, Чехия, Греция, Малайзия, Украина каби мамлакатларнинг худди шундай тусдаги тузилмалари фаолияти ўрганилди. Энг муҳим жиҳати, ушбу институтларнинг номи ҳар хил бўлгани билан фаолият йўналиши ва мақсади бир хил бўлиб, уч йўналишдаги вазифаларни бевосита бажаради. Биринчидан, халқ билан мулоқот қилади, халқнинг фикрини парламентга етказади. Иккинчидан, депутатлар ва сенаторларга илмий маслаҳат беради, уларга эксперт хулосалари, тадқиқот натижаларини тақдим этади. Учинчидан, парламент фаолиятини илмий асосда ташкил этиш бўйича таклифлар ва тавсиялар ишлаб чиқади.

Келгусида институтнинг миллий ва халқаро тажрибадан келиб чиқиб ишлаб чиққан лойиҳа ва таклифлари, мамлакатимизда қонун устуворлигини таъминлаш ва ижтимоий барқарорликни таъминлашда хизмат қилади.

Феруза ЭШМАТОВА,

Олий Мажлис Қонунчилик палатаси депутати




Кўришлар сони: 2061

Депутатлар минбари

Янгиликлар

17.07.2018
Олий Мажлис қуйи палатасининг айрим қўмиталари таркиби ўзгарди

Ўзбекистон Республикаси Олий Мажлиси Қонунчилик палатасининг яқинда бўлб ўтган навбатдаги мажлисида...

17.07.2018
Фаолиятда самара ва изчиллик – энг муҳим талаб

Ҳисобот даврида фракция аъзоларига сайловчилардан 564 та ёзма, 1205 та оғзаки мурожаатлар...

16.07.2018
Қонун ижодкорлиги ва парламент назорати: Ўзбекистон тажрибаси — экспертлар нигоҳида

Ўзбекистонда амалга оширилаётган демократик ислоҳотларни чуқурлаштириш ва мамлакатни модернизация қилишда...

Тадбирлар тақвими