Cайт ранги: A A


Депутат фикри

Шуҳрат Полвонов: Иқтисодий процессуал кодекс лойиҳаси ишлаб чиқилмоқда

Шуҳрат Полвонов: Иқтисодий процессуал кодекс лойиҳаси ишлаб чиқилмоқда

Маълумки, жорий йилда Ўзбекистон Республикаси Президенти Ш.Мирзиёвнинг суд тизими тузилмасини тубдан такомиллаштириш ва фаолияти самарадорлигини ошириш йўлида бир қатор фармон ва қарорлари қабул қилинди. Уларда одил судловни амалга ошириш самарадорилиги ва сифатини ошириш, маъмурий, жиноят, фуқаролик ва хўжалик суд иш юритувининг процессуал асосларини такомиллаштириш устувор вазифа қилиб белгиланган.

Парламент қуйи палатасининг Қонунчилик ва суд-ҳуқуқ масалалари қўмитаси аъзолари айни кунларда Олий суд томонидан қонунчилик ташаббуси ҳуқуқи асосида киритилган Ўзбекистон Республикасининг Иқтисодий процессуал кодекси лойиҳасини биринчи ўқишга тайёрламоқда. Мазкур қонун лойиҳаси мамлакатнинг иқтисодий салоҳияти ва тадбиркорлик субъектлари ҳуқуқларининг ишончли ҳимоясига хизмат қилади.

Лойиҳа қонун ташаббускори томонидан Ўзбекистон Республикасининг “Судлар тўғрисида”ги Қонунига, Ўзбекистон Республикасининг Фуқаролик процессуал ва Хўжалик процессуал кодексларига ўзгартиш ва қўшимчалар киритиш ҳақида” Қонунига асосан ишлаб чиқилган.

Қўмита аъзолари амалдаги Ўзбекистон Республикаси Хўжалик процессуал кодексини асос сифатида олиб, Хўжалик процессуал кодексидаги камчиликларни бартараф этган ҳолда кодекс лойиҳасини такомиллаштирмоқда.

Ушбу лойиҳани тайёрлашда депутатлар Германия, Япония ва бир қатор давлатларнинг соҳага доир қонунчилик тажрибасини ҳам чуқур таҳлил қилиб ўрганмоқдалар. Бу каби ўрганишлар, албатта, иқтисодий суд иш юритувининг самарадорлигини таъминлашга хизмат қилади.

Шуҳрат Полвонов,

Қонунчилик ва суд-ҳуқуқ масалалари

қўмитаси аъзоси.


Кўришлар сони: 7416

Депутатлар минбари

Янгиликлар

21.09.2018
Қонунларга киритилаётган ўзгартишлар фуқароларнинг манфаатини ёқлашга, фаоллигини оширишга қаратилди

Киритилаётган ўзгартишларга кўра,  турар жой мулкдорининг оила аъзоси деб эр-хотиннинг ота-онаси,...

21.09.2018
Энергиядан оқилона фойдаланиш масаласи муҳокама марказида

Таҳлилларга кўра, бугунги кунда мамлакатимизда муҳандислик коммуникацияларнинг эскириши ва қониқарсиз...

21.09.2018
Илм-фан иқтисодиёт реал секторига наф беряптими?

Ахборотларда қайд этилишича, инновациявий ғоялар, технологиялар ва лойиҳаларни ҳаётга татбиқ қилиш ...

Тадбирлар тақвими