Cайт ранги: A A


Депутат фикри

Алишер ШОДМОНОВ: Бюджет ижросини таъминлашда депутатлар ҳам фаол иштирок этади

Алишер ШОДМОНОВ: Бюджет ижросини таъминлашда депутатлар ҳам фаол иштирок этади

Ушбу Бюджетнома лойиҳасини депутатларимиз фракцияларнинг ва қўмиталарнинг мажлисларида Ҳукумат аъзолари, тегишли идора ва муассасаларнинг вакиллари иштирокида батафсил кўриб чиқдилар.

Тан олиб айтиш керакки, муҳокамалар жараёнида ушбу ҳужжат ҳар доимгидан ҳам мукаммал ва тушунарли тайёрланганлиги кўринди.

Бизнинг хурсандлигимиз шундаки, Бюджетномада жорий йилнинг ҳар чорагида бўлиб ўтган бюджет ижроси муҳокамалари жараёнида депутатларимиз томонидан кўтарилган кўплаб масалалар ҳам инобатга олинган.

Масалан, 2017 йилги Бюджетнома лойиҳасида мактабгача таълим муассасаларига эътибор кучайтирилганлиги, маданий мерос объектларига қўшимча маблағ ажратилаётганлиги бунинг ёрқин исботидир. Лойиҳадаги ҳар бир банд, ҳар бир таклиф мукаммал тарзда асослантирилди. Барча соҳа вакилларининг таклифлари эшитилди ва инобатга олинди. Натижада такомилига етган бюджет лойиҳаси тайёрланди.

Бюджетноманинг яна бир эътиборли жихати шундаки, жорий йил 8 сентябрда мана шу залда парламент палаталари қўшма мажлисида ҳурматли Шавкат Миромоновичнинг маърузаларида белгиланган устувор йўналишларни рўёбга чиқариш масалалари ўз ифодасини топган.

Фракциямиз йиғилишида депутатларимиз келгуси йил Давлат Бюджети мамлакатимизнинг илмий-техник салоҳиятини тўлиқ ишга солишга қаратилганлигини алоҳида қайд этдилар. Соҳа ривожи учун 2017 йилда йўналтириладиган маблағлар жорий йилдагига нисбатан 13 фоиз оширилганлиги давлат илмий-техникавий дастурлари доирасида илмий-тадқиқот ва тажриба-конструкторлик ишларини олиб бориш учун муҳим молиявий асос бўлади, деб ҳисоблайдилар.

Шунингдек, давлат мақсадли жамғармалари маблағлари ҳисобидан олий спорт мактабларига 100,4 млрд. сўм ажратилиши, бунинг натижасида 7 та олий спорт мактабларини янгидан қурилиши ва реконструкция қилиниши, шунингдек, умумтаълим мактаблари спорт залларини моддий-техника базаларини модернизация қилиш ва жихозлашга эътибор қаратилиши фракциямизда ижобий баҳоланди.

Фракциямиз ажратилаётган бюджет маблағларидан самарали ва мақсадли фойдаланишни таъминлаш, бунда солиқ ва назорат қилувчи органларининг масъулиятини янада ошириш, парламент назорати воситаларидан кенгроқ ва унумли фойдаланиш лозим деб ҳисоблайдилар.

Юқоридагиларни инобатга олиб, “Адолат” социал-демократик партияси фракцияси 2017 йилга мўлжалланган Давлат бюджети лойиҳасини бир овоздан маъқуллади.

Биз бундай муҳим ҳужжатнинг қабул қилинишидан бошлаб, то ижросини таъминлашгача бўлган жараёнда барча даражадаги депутатларнинг иштирокини янада фаоллаштиришни ўзимизга вазифа қилиб қўйдик.

Алишер ШОДМОНОВ,
Ўзбекистон "Адолат" СДП фракцияси аъзоси.


Кўришлар сони: 9110

Депутатлар минбари

Янгиликлар

20.07.2019
Миллатлараро тотувлик ва диний бағрикенглик — демократик жамиятнинг асосий тамойилларидан бири

Пойтахтимиздаги Корейс маданияти ва санъати уйида Олий Мажлис Қонунчилик палатаси Халқаро ишлар ...

19.07.2019
ЎзХДП фракцияси фаолияти юзасидан ахборот берди

Қонунчилик палатасига киритилган қонун лойиҳалари бўйича фракциянинг 134 та таклифи ишлаб чиқилиб, ...

18.07.2019
Депутатлар автомобиль ойналарини қорайтириш масаласини қандай ҳал қилмоқчи?

“Адолат” СДП фракцияси депутатларига халқимиз томонидан ҳайдовчи ва йўловчиларни ёзнинг жазирама...

Тадбирлар тақвими