Cайт ранги: A A


Фракция йиғилишлари

Қонун лойиҳасига таклифлар берилди

Қонун лойиҳасига таклифлар берилди

Жорий йилнинг 18 май куни Олий Мажлис Қонунчилик палатасидаги Ўзбекистон «Миллий тикланиш» демократик партияси фракциясининг йиғилиши бўлиб ўтди.

Фракция раҳбари Алишер Қодиров бошқарган йиғилишда дастлаб янги таҳрирдаги “Таълим тўғрисида”ги қонун лойиҳаси муҳокама қилинди.

— Мамлакатимизда бошланган янги давр таълим соҳасига ҳам аниқ ва қатъий талаблар қўймоқда, — деди А.Қодиров — Ушбу тизимини янги босқичга кўтариш, педагог кадрлар тайёрлаш сифатини илғор халқаро стандартлар асосида такомиллаштириш ва олий педагогик таълим билан қамров даражасини ошириш борасида изчил чора-тадбирлар амалга оширилмоқда.

Ўзбекистон “Миллий тикланиш” демократик партияси амалдаги таълим тизимида тарбиянинг ўрнини етарли эмас, деб ҳисоблайди.
“Оила – мактабгача таълим – мактаб” даврини ўз ичига олган, тарбияни устувор ҳисоблайдиган, тарбия ва таълим тизими миллий ва умуминсоний қадриятларни эътироф этадиган, билимли, эркин фикрлайдиган, ҳалол ва масъулиятли инсонни шакллантиришни устувор вазифа сифатида кўриши керак. Тизимнинг натижадорлиги оила, мактабгача таълим ташкилотлари ва умумтаълим мактабларидаги мавжуд муаммоларнинг тизимли бартараф этилишини тақозо қилади.

Йиғилишда таъкидланганидек, таълим тизимидаги ижобий ўзгаришлар, ўз навбатида, соҳанинг ҳуқуқий асослари такомиллаштирилишини талаб этади. Амалдаги “Таълим тўғрисида”ги қонуннинг қабул қилинганига 20 йилдан ошди. Табиийки, қонун нормалари бугунги шиддатли ислоҳотларга ҳамоҳанг эмас. Шу маънода, айни пайтда Олий Мажлис Қонунчилик палатасида муҳокама қилинаётган янги таҳрирдаги “Таълим тўғрисида”ги қонун лойиҳаси айнан соҳадаги барча ютуқ ва камчиликлар, жаҳондаги тажриба ва тенденцияларни инобатга олган ҳолда янада такомиллаштирилиши лозим.

Бугунги кун талаб ва таклифлардан келиб чиққан ҳолда, қонун лойиҳасининг 238 та нормага тегишли ўзгартириш ва қўшимчалар киритилди. Лойиҳадан идоравий норматив-ҳуқуқий ҳужжатларни имкон қадар қисқартириш, умумий тусдаги, ҳаракатсиз ва ҳуқуқни қўллашга таъсир этмайдиган қонун ҳужжатларини қайта кўриб чиқиш оқибатида 123 та норма чиқариб ташланди. Уларнинг ўрнига 54 та янги тўғридан-тўғри амал қилувчи нормалар киритилди.

Йиғилишда сўз олган фракция аъзолари ушбу қонун таълим соҳасини тартибга солиш билан бир қаторда тарбия соҳасини ҳам тартибга солиши зарурлигини, мазкур қонунни тарбиявий аҳамиятлар билан боғлаш, қонунни таълим ва тарбия тўғрисида деб номлаш, таълим стандартлари нормаларига таълим ва тарбия стандартлари тушунчалари билан бойитиш лозимлигини таъкидладилар.

Шундан сўнг депутатлар «Ов қилиш ва овчилик хўжалиги тўғрисида»ги қонун лойиҳаси, «Жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш тўғрисида»ги Ўзбекистон Республикаси Қонунининг 12-моддасига қўшимча киритиш ҳақида»ги ҳамда «Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги қонун лойиҳаларини кўриб чиқди.

Йиғилишда Қонунчилик палатаси мажлиси муҳокамасига киритилиши белгиланган бошқа қонун лойиҳалари муҳокама этилди ва фракциянинг тегишли қарорлари қабул қилинди.


Кўришлар сони: 132

Депутатлар минбари

Янгиликлар

01.06.2020
Депутатлар Давлат бюджети ижросидан қониқдими?

Ҳисоб палатаси томонидан 2019 йилда бюджет маблағларининг бирламчи тақсимловчилари соҳага ажратилга...

01.06.2020
Давлат бюджетининг ижроси депутатлар муҳокамасида

2020 йил 1 июнь куни Ўзбекистон Республикаси Олий Мажлиси Қонунчилик палатасининг навбатдаги...

30.05.2020
Ривожланишимизга нималар тўсиқ бўляпти?

Тадбиркорлар бугунги пандемия шароитида қандай фаолият кўрсатмоқда? Ҳукуматимиз томонидан кичик бизн...

Тадбирлар тақвими