Cайт ранги: A A


Фракция йиғилишлари

Фракция қонун лойиҳаларига ўз позициясини билдирди

Фракция қонун лойиҳаларига ўз позициясини билдирди

Жорий йилнинг 27 сентябрь куни “Миллий тикланиш” ДП фракциясининг навбатдаги йиғилишида Қонунчилик палатасининг навбатдаги мажлиси муҳокамасига киритилиши режалаштирилган бир қатор қонун лойиҳалари кўриб чиқилди.

Кун тартибидаги дастлабки масала — “Наркологик касалликлар профилактикаси ва уларни даволаш тўғрисида”ги қонуни лойиҳаси фракция аъзолари томонидан атрофлича муҳокама қилинди.

Таъкидланганидек, мазкур қонун лойиҳасида 8 боб, 51моддадан иборат. Наркологик касалликларга мубтало бўлган шахсларни мажбурий даволаш, наркологик экспертиза ва тиббий кўрикдан ўтказиш тўғрисидаги бандлар ҳамда ҳозирга қадар миллий қонунчиликда мавжуд бўлмаган “наркологик ёрдам”, “психоактив моддалар”, “наркологик касалликларга мубтало бўлган шахсларнинг тиббий ижтимоий реабилитацияси”, “мажбурий даволаш” каби янги тушунчалар акс эттирилган.

Ушбу қонун лойиҳасини ишлаб чиқишда халқаро тажриба ҳам чуқур таҳлил этилди. Хорижий тажрибага мувофиқ, бугунги кунда бир қанча мамлакатларда сурункали алкоголизм ва гиёҳвандлик мубтало бўлган беморларни мажбурий даволаш суд томонидан белгиланади. Шу билан бирга айрим мамлакатларда мажбурий даволаш прокурорнинг санкцияси (Франция), ҳудудий администрация ёки полициянинг (Финландия) қарори асосида амалга оширилади.

Тадбирда, шунингдек “Тадбиркорлик субъектларини тугатиш тартиби такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги қонун лойиҳаси ҳам депутатлар томонидан қизғин муҳокама этилди.

Мазкур қонунда тадбиркорлик субъектларини тугатишни тартибга солувчи норматив-ҳуқуқий ҳужжатларга молия-хўжалик фаолиятини амалга оширмаётган деб ҳисоблаш учун асос бўладиган муддат тўққиз ойни ташкил этиши, молия-хўжалик фаолиятини амалга оширмаётган корхоналар давлат солиқ хизмати органининг тақдимномасига асосан рўйхатдан ўтказувчи орган томонидан Тадбиркорлик субъектларининг Ягона давлат реестридан уч йил муддатга ҳаракатсиз режимга ўтказилиши, ҳаракатсиз режимига ўтказилган корхоналар фаолияти уч йил давомида тикланмаган тақдирда рўйхатдан ўтказувчи орган уларни тадбиркорлик субъектларининг Ягона давлат реестридан чиқарилиши белгиланмоқда.

Фракция аъзолари таъкидлаганидек, қонун лойиҳасининг қабул қилиниши, энг аввало, тадбиркорлик субъектлари фаолиятини тугатиш жараёнларини тартиб ва таомилларини янада соддалаштириш ва шаффофлигини оширади.

Йиғилишда кун тартибидаги масалалар юзасидан фракциянинг тегишли қарорлари қабул қилинди.

 


Кўришлар сони: 490

Депутатлар минбари

Янгиликлар

06.12.2019
Хусусий амалиёт билан шуғулланувчи нотариуслар фаолиятини ташкил этишга рухсат берилади

Бирламчи бозордан олинадиган кўчмас мулк ва транспорт воситалари ипотека, гаров ва лизинг шартномаларини...

05.12.2019
Парламентда қизғин паллага кирган муҳокамалар ҳудудларга ҳам кўчди

Олий Мажлис Қонунчилик палатаси томонидан биринчи ўқишда қабул қилинган янги таҳрирдаги Солиқ кодекси...

05.12.2019
Нега кимгадир 2 фоиз, бошқага 4 фоиз белгиланган?

Аввал хабар берилганидек, яқинда парламент қуйи палатаси мажлисида депутатлар мазкур қонун лойиҳасини...

Тадбирлар тақвими