Cайт ранги: A A


Фракция йиғилишлари

550 мингдан ортиқ аҳолининг марказлашган ичимлик сув таъминоти яхшиланди

550 мингдан ортиқ аҳолининг марказлашган ичимлик сув таъминоти яхшиланди

2019 йилнинг 21 май куни Олий Мажлис Қонунчилик палатасидаги Экоҳаракат депутатлари гуруҳининг кенгайтирилган йиғилишида Ўзбекистон Республикаси Давлат бюджетининг ва давлат мақсадли жамғармалари бюджетларининг 2018 йил ҳамда 2019 йилнинг I чорак ҳисоботлари муҳокама қилинди.

Йиғилишда Қонунчилик палатаси депутатлари, тегишли вазирлик ва идораларнинг вакиллари, экспертлар ҳамда оммавий ахборот воситалари ходимлари иштирок этди.

Ахборотда қайд этилганидек, Давлат бюджетининг 2018 йилдаги харажатлари 79736,1 млрд. сўмни ёки Ялпи ички маҳсулотга нисбатан 19,6 фоизни ташкил этди. Шунингдек, 2019 йилнинг I чорагида Давлат бюджети даромадлари 23065,9 млрд. сўмни ташкил қилди. Ўтган йилнинг мос даврига нисбатан 62,9 фоизга ўсди ҳамда белгиланган 21123,6 млрд. сўм режа 1 942,3 млрд. сўмга ортиғи билан ёки 109,2 фоизга бажарилди. Давлат бюджети даромадларининг Ялпи ички маҳсулотдаги улуши 25,3 фоизни ташкил қилди.

Дарҳақиқат, Ўзбекистонда атроф муҳитни муҳофаза қилиш, табиий ресурслардан оқилона фойдаланиш ва экологик хавфсизликни таъминлаш масалалари давлат сиёсатининг асосий йўналишларидан бири сифатида белгиланиб, ушбу соҳага алоҳида эътибор қаратиб келинмоқда. Хусусан, 2018 йилда табиатни муҳофаза қилиш харажатлари учун 305,6 млрд. сўм, ичимлик суви ва канализация тизимларини ривожлантириш харажатларини молиялаштириш учун 704,7 млрд. сўм, суғориладиган ерларнинг мелиоратив ҳолатини яхшилашга 517,8 млрд. сўм ҳамда аҳоли пунктларини ободонлаштириш ишларини амалга ошириш учун 1 550,6 млрд. сўм маблағ давлат бюджетидан йўналтирилди. Ушбу олиб борилган ишлар натижасида республика худудларида яшовчи 550 мингдан ортиқ аҳолининг марказлашган ичимлик сув таъминоти яхшиланди.

Бундан ташқари, қаттиқ маиший чиқиндиларни йиғиш, сақлаш, утилизация қилиш ва қайта ишлаш тизимини яхшилашга 163,2 млрд. сўм йўналтирилди. Бу эса қабул қилинган давлат дастурларига мувофиқ, 352 та тиркамали трактор, 110 та чиқинди ташувчи автомашина харид қилиш, санитария тозалаш полигонларига олиб борувчи 239,8 км йўлларни асфальтлаш ҳамда 96 та янги қаттиқ маиший чиқиндилар полигонини қуриш имконини берди.

Шу билан бирга, Эпизоотик хавфсизликни таъминлаш ва ҳайвонларнинг юқумли касалликлари тарқалишининг олдини олиш учун ҳайвонларни эмлаш учун 2018 йилда Давлат бюджети маблағлари ҳисобидан 51,0 млрд. сўм миқдорида маблағ йўналтирилди.

Тадбирда кўриб чиқилган ҳисоботлар юзасидан Экоҳаракат депутатлари гуруҳининг тегишли қарори қабул қилинди.


Кўришлар сони: 809

Депутатлар минбари

Янгиликлар

23.10.2019
Юридик шахслар томонидан атом энергиясидан фойдаланиш соҳасида олиб бориладиган фаолият лицензияланади

Маълумки, “Атом энергиясидан тинчлик мақсадларида фойдаланиш тўғрисида”ги қонуннинг 20-моддасига...

23.10.2019
Қишлоқ хўжалиги маҳсулотларини экспорт қилиш тартиб-таомиллари соддалаштирилади

 

Мамлакатимизнинг экспорт салоҳиятини ошириш, экспорт қилиш тартиб-таомилларини соддалаштириш...

23.10.2019
Акмал БУРҲОНОВ: Депутатлар ўрганган муаммолар ҳукумат ва тиббиёт соҳаси масъуллари учун ўгайми?

Табиий савол туғилади: депутатлар ўрганган муаммолар Ҳукумат ва тиббиёт соҳаси масъуллари учун ўгайм...

Тадбирлар тақвими