Cайт ранги: A A


Фракция йиғилишлари

Халқ депутатлари Кенгашлари фаолияти янада такомиллашади

Халқ депутатлари Кенгашлари фаолияти янада такомиллашади

Жорий йилнинг 21 май куни Ўзбекистон Республикаси Олий Мажлиси Қонунчилик палатасида Ҳаракатлар стратегиясини «Фаол инвестициялар ва ижтимоий ривожланиш йили»да амалга оширишга оид Давлат дастурининг 28-банди ижросини таъминлаш мақсадида, ҳокимнинг халқ депутатлари Кенгаши раиси сифатидаги мақомини бекор қилиш бўйича тузилган Ишчи гуруҳининг навбатдаги йиғилиши бўлиб ўтди.

Унда Олий Мажлис Қонунчилик палатаси депутатлари ва Сенати аъзолари, вазирлик ва идора вакиллари ҳамда журналистлар иштирок этди.

Йиғилишда Ўзбекистон Республикаси Олий Мажлиси Қонунчилик палатаси ва Сенати Кенгашларининг 2019 йил 3 апрелдаги Қўшма қарори билан вилоят, туман, шаҳар ҳокимларининг халқ депутатлари Кенгаши раиси сифатидаги мақомини бекор қилиш бўйича чора-тадбирлар дастурида белгиланган вазифаларнинг ижроси кўриб чиқилди.

Тадбирда ишчи гуруҳ томонидан ишлаб чиқилган “Ҳокимнинг халқ депутатлари Кенгаши раиси сифатидаги мақоми бекор қилиниши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги қонун лойиҳаси юзасидан вазирлик, идоралар ҳамда вилоятлар, туманлар ва шаҳарлар халқ депутатлари Кенгашлари томонидан тақдим этилган таклиф ва тавсиялар муҳокама қилинди.

Қонун лойиҳасидан ўрин олган ҳокимнинг маҳаллий вакиллик органи раҳбари сифатидаги мақомини бекор қилиш ва алоҳида халқ депутатлари Кенгаши раиси лавозимини жорий қилиш, Кенгашларда доимий асосда ишловчи депутатлар фаолиятини ташкил этиш, халқ депутатлари Кенгаши раиси ва унинг ўринбосарини сайлаш тартиби каби комплекс масалалар илғор хорижий давлатлар тажрибаси билан қиёсланган ҳолда муҳокама қилинди.

Шунингдек, мазкур қонун лойиҳасида Кенгаш раиси ва унинг ўринбосарининг мақоми, Халқ депутатлари Кенгашлари фаолиятига ташкилий, моддий-техник ва ахборот-таҳлилий жиҳатдан кўмаклашувчи котибиятлар фаолиятини ташкил қилиш юзасидан амалга оширилиши лозим бўлган вазифалар, уларнинг фаолиятини молиялаштириш манбалари, штат бирликларини жорий қилиш масалалари ҳам кўриб чиқилди.

Тадбирда қонун лойиҳасини маромига етказиш ва Қонунчилик палатаси ва Сенат Кенгашлари муҳокамасига киритиш тўғрисида тегишли қарор қабул қилинди.


Кўришлар сони: 2066

Депутатлар минбари

Янгиликлар

19.01.2020
Парламент қуйи палатасига ХДПдан сайланган депутатларнинг дастлабки ташкилий йиғилиши ўтказилди

2020 йил 19 январь куни Олий Мажлис Қонунчилик палатасига Халқ демократик партиясидан сайланган ...

19.01.2020
Ўзбекистон “Адолат” СДП фракциясининг таъсис йиғилиши ўтказилди

2020 йил 19 январь куни Олий Мажлис Қонунчилик палатасида Ўзбекистон “Адолат” СДП фракциясининг ...

19.01.2020
Ўзбекистон «Миллий тикланиш» демократик партиясидан сайланган депутатлардан иборат фракциянинг таъсис йиғилиши ўтказилди

Йиғилишда партиядан Олий Мажлис Қонунчилик палатасига сайланган депутатлар фракциясини тузиш, фракция...

Тадбирлар тақвими