Cайт ранги: A A


Фракция йиғилишлари

Давлат ва халқ манфаатларига хизмат қиладиган қонун лойиҳаси

Давлат ва халқ манфаатларига хизмат қиладиган қонун лойиҳаси

Олий Мажлис Қонунчилик палатасидаги Ўзбекистон ХДП фракциясининг навбатдаги йиғилишида бир қатор қонун лойиҳаларининг муҳокамаси конструктив баҳс-мунозараларга бой бўлди.

Қонунчилик палатаси мажлиси муҳокамасига биринчи ўқишга киритилиши режалаштирилган «Ўзбекистон Республикасининг Марказий банки тўғрисида»ги Ўзбекистон Республикаси Қонунига ўзгартиш ва қўшимчалар киритиш ҳақида»ги Ўзбекистон Республикаси қонуни лойиҳаси фракция аъзоларининг диққат марказида бўлди. Мазкур лойиҳа билан Ўзбекистон Республикаси Марказий банки фаолиятини ташкил этиш ва тартибга солишга оид нормалар қамраб олинган бўлиб, илгари назарда тутилмаган қатор ўзгартиришлар киритилаётгани унинг самарали фаолият юритишига замин яратади.

Сўмнинг рамз сифатидаги график белгисини Марказий банк томонидан тасдиқланишига оид норма киритилаётгани ана шундай ўзгаришлардан биридир. Таъкидлаш жоиз, миллий валютамизнинг график белгисини яратиш ва жориш этиш ишончли ва барқарор валютага интилиш рамзи ҳисобланади.

Лойиҳада Марказий банкнинг бош мақсадлари ва вазифалари ҳам аниқ кўрсатиб берилмоқда.

Депутатлар лойиҳани муҳокама қилиш жараёнида киритилаётган ўзгартиришлар туфайли Марказий банкнинг ҳуқуқ ва ваколатлари ошаётгани, бу ҳолат, ўз навбатида, тижорат банкларининг фаолиятига ҳам таъсир этиши мумкинлигини инобатга олиб, баъзи нормаларни қайта кўриб чиқиш таклифини билдирдилар.

Мазкур лойиҳа концептуал қўллаб-қувватланиб, уни иккинчи ўқишга тайёрлаш жараёнида фракциянинг таклифларини тақдим этишга келишиб олинди.


Кўришлар сони: 805

Депутатлар минбари

Янгиликлар

15.10.2019
Мактабгача таълим тизимига хусусий секторни фаол жалб қилиш қандай натижа беради?

Мутахассисларнинг фикрича, инсон ўз умри давомида оладиган барча ахборот ва маълумотнинг 70 фоизини...

15.10.2019
“Ташқи меҳнат миграцияси тўғрисида”ги қонун қабул қилиш таклифи билдирилди

2019 йил 15 октябрь куни Ўзбекистон “Миллий тикланиш” демократик партиясининг Олий Мажлис Қонунчилик...

15.10.2019
Нега баъзи депутатлар шифокорларни тажовуздан ҳимояловчи қонун лойиҳасига қарши?

Кейинги пайтларда кўпайиб бораётган ҳолатлар, яъни, ўз хизмат вазифасини бажараётган шифокорларни ...

Тадбирлар тақвими