Cайт ранги: A A


Фракция йиғилишлари

Тадбиркорларнинг ҳуқуқларини ҳимоя қилиш механизмлари такомиллаштирилмоқда

Тадбиркорларнинг ҳуқуқларини ҳимоя қилиш механизмлари такомиллаштирилмоқда

Парламент қуйи палатасидаги ЎзЛиДеП фракциясининг навбатдаги йиғилиши бўлиб ўтди. Унда мамлакатимиз ижтимоий-сиёсий ҳаётига дахлдор бир қатор қонун лойиҳалари ва бошқа муҳим ҳужжатлар депутатлар томонидан кўриб чиқилди.

Маълумки, мамлакатимизда Ўзбекистон Республикасини ривожлантириш бўйича Ҳаракатлар стратегиясида белгилаб берилган устувор мақсад ва вазифалар изчил амалга оширилмоқда, жаҳон ҳамжамияти мустақил Ўзбекистоннинг янги тарихидаги тинчликсевар ташқи сиёсати ўзаро ишонч, яхши қўшничилик, ҳамкорлик ва очиқлик тамойиллари асосида изчил амалга оширилаётганлигини эътироф этмоқда. Бу эса, мустақил ва фаол ташқи сиёсат юритиш миллий давлатчилигимиз тараққиётида ўта муҳим аҳамиятга эга бўлиб, мамлакатимиз иқтисодиётини барқарор ривожланишига, халқимизнинг тинч ва осуда ҳаётини таъминлашга ҳамда Ватанимизнинг халқаро майдонда муносиб ўрин эгаллашига хизмат қилади.

Куни кеча эълон қилинган Ўзбекистон Республикаси Президентининг «Ўзбекистон Республикаси Ташқи ишлар вазирлиги тизимини тубдан такомиллаштириш ҳамда ташқи сиёсий ва ташқи иқтисодий фаолиятнинг устувор йўналишларини амалга оширишда унинг масъулиятини кучайтириш чора-тадбирлари тўғрисида»ги Фармони ана шу олий мақсадларни амалга ошириш йўлидаги яна бир муҳим қадамлардан бири бўлди.

– Ташқи ишлар вазирлиги тизимини тубдан такомиллаштиришга қаратилган мазкур ҳужжатда мамлакатимиз манфаатларини халқаро миқёсда қатъий ҳимоя қилишга қаратилган кенг кўламли фаол ташқи сиёсатни юритишда янги босқични бошлаб берди десак, муболаға бўлмайди, – дейди  ЎзЛиДеП фракцияси аъзоси Меҳриддин МУҲАММАДИЕВ. – Албатта, кейинги бир ярим йил ичида мустақил давлатимизнинг ташқи сиёсати борасида сифат жиҳатидан янги ва салмоқли ишлар амалга оширилганлигини фахр билан эътироф этиш ўринлидир. Мамлакатимиз етакчи хорижий давлатлар, аввало, яқин қўшниларимиз билан дўстона муносабатларни ривожлантириш ва мустаҳкамлаш бўйича аниқ натижаларга эришди, кўплаб олий даражадаги ташриф ва учрашувлар, қатор долзарб муаммоларни ечимини топишга қаратилган янги шартнома ва келишувлар принципиал жиҳатдан янги мазмундаги ҳамкорлик учун мустаҳкам асос бўлиб хизмат қилиб келмоқда. Шу жумладан, ўтган йилнинг ўзида хорижий шерикларимиз билан 200 дан ортиқ халқаро шартномалар, шунингдек, савдо-иқтисодий ва инвестиция соҳаларида қиймати қарийб 60 миллиард долларлик келишув ва битимлар имзоланганлиги ўзаро ҳамкорликка қаратилган фаол ташқи сиёсатимизнинг дастлабки натижаларидан бири ҳисобланади.

Фракция аъзоларининг таъкидлашича, Ташқи ишлар вазирлиги ва мамлакатимизнинг хориждаги муассасалари фаолияти норматив-ҳуқуқий асосларини «иқтисодий дипломатия»ни ривожлантиришга урғу берган ҳолда қайта кўриб чиқиши ва такомиллаштириши, республиканинг ягона ташқи сиёсий ва ташқи иқтисодий фаолиятини амалга оширишда вазирликнинг мувофиқлаштирувчи ролини кучайтириши, мамлакатимиз маҳсулотлари, ишлари (хизматлари) экспортини кенгайтириш ва диверсификация қилиш, инвестициялар, илғор технологиялар ва туристлар оқимини республикамизга жалб этишга йўналтирилган янгича ёндашув ва усулларни жорий этиш каби устувор вазифалар иқтисодиётимизнинг барқарор ривожланишига ҳамда халқимизнинг турмуш фаровонлигини янада оширишга қаратилганлиги билан аҳамиятлидир. 

Шунингдек, фракцияси аъзолари «Ўзбекистон Республикаси Жиноят-процессуал кодексининг 1877 ва 331-моддаларига ўзгартиш ва қўшимча киритиш тўғрисида»ги Ўзбекистон Республикаси қонуни лойиҳасини муҳокама қилиб, ўз нуқтаи назарини белгилаб олдилар.

Мазкур қонун лойиҳасининг қабул қилиниши тадбиркорлар ҳуқуқларини ҳимоя қилишнинг процессуал механизмлари такомиллаштирилишига ва бу, ўз навбатида, иқтисодий жиноятларни тергов қилишнинг тезкорлигини таъминлашига, тафтишчилар фаолияти сифатининг ва умуман, дастлабки тергов натижадорлигининг ошишига, тадбиркорлик субъектларига нисбатан қонунга хилоф равишда жиноят ишларини қўзғатиш ҳолатларининг олдини олишга ҳамда ҳуқуқни муҳофаза қилувчи органлар мансабдор шахсларининг жавобгарлигини оширишга кўмаклашади.

Йиғилиш давомида кун тартибидан ўрин олган бир қатор қонун лойиҳалари, шунингдек фракция ваколатига кирувчи бошқа масалалар ҳам муҳокама қилиниб, ушбу масалалар юзасидан ЎзЛиДеП фракциясининг аниқ нуқтаи назари белгилаб олинди ва тегишли қарорлар қабул қилинди.


Кўришлар сони: 1234

Депутатлар минбари

Янгиликлар

18.12.2018
Меҳнат миграцияси: Халқаро тажриба ва Ўзбекистон амалиёти

Бугунги глобаллашув жараёнида миграция масаласи тобора долзарблик касб этиб бормоқда. Маълумотларга...

18.12.2018
Атом энергетикаси бўйича «Росатом» Давлат корпорацияси бош директори биринчи ўринбосари билан учрашув

2018 йилнинг 18 декабрь куни парламент қуйи палатасида Ўзбекистон Республикаси Олий Мажлиси Қонунчилик...

18.12.2018
Профессор-ўқитувчиларнинг йиллик меҳнат таътили қисқарадими?

Иштирокчилар фикрига кўра, Ўзбекистон Республикасининг бирор-бир норматив-ҳуқуқий ҳужжатларида таълим...

Тадбирлар тақвими