Cайт ранги: A A


Қўмита ва комиссиялар йиғилишлари

Қонун ижроси билан кучли

Қонун ижроси билан кучли

Ўзбекистон Республикаси Олий Мажлиси Қонунчилик палатасининг Фан, таълим, маданият ва спорт масалалари қўмитасида “Таълим тўғрисида”ги қонун ва Кадрлар тайёрлаш миллий дастурининг Фарғона вилояти умумтаълим муассасаларидаги ижроси юзасидан ўтказилган назорат-таҳлил якунларига бағишланган йиғилиш бўлиб ўтди. Унда депутатлар, тегишли вазирлик, ташкилот ва таълим муассасалари вакиллари, журналистлар иштирок этди.

Олий Мажлис Қонунчилик палатасининг Фан, таълим, маданият ва спорт масалалари қўмитаси раиси А.Маматов, Фарғона вилоят халқ таълими бошқармаси бошлиғи З.Тешабоев ва бошқалар мамлакатимиз таълим тизимида изчил амалга оширилаётган ислоҳотлар юксак билимли ва интеллектуал ривожланган авлодни вояга етказишга хизмат қилаётганини таъкидлади. Бу борада Фарғона вилоятида ҳам тизимли ишлар амалга оширилмоқда.

Ҳозирда Фарғонада 917 умумтаълим мактаби, юздан зиёд махсус мактаб ва мактаб-интернат, “Баркамол авлод” болалар марказлари, спорт, мусиқа ва санъат мактаблари фаолият юритмоқда. Уларда ёшларга жаҳон андозаларига мос таълим-тарбия берилиши учун барча имкониятлар ишга солинмоқда. Жумладан, ўтган йили 42 ўрта таълим мактаби замонавий ўқув жиҳозлари ва анжомлар билан таъминланди. Бу эса таълим жараёнида илғор педагогик технологиялардан оқилона фойдаланиш имконини бераётир.

Давлатимиз раҳбарининг 2008 йил 8 июлдаги “Болалар мусиқа ва санъат мактабларининг моддий-техник базасини мустаҳкамлаш ва уларнинг фаолиятини янада яхшилаш бўйича 2009-2014 йилларга мўлжалланган Давлат дастури тўғрисида”ги қарори асосида мазкур йўналишдаги мактабларнинг моддий-техник салоҳияти юксалиб, уларга ўқувчиларни жалб этиш қамрови кенгаймоқда.

Йиғилишда эришилган ютуқлар билан бирга, муайян камчиликлар ҳам мавжудлиги кўрсатиб ўтилди. Бу асосан ўқитувчиларни қайта тайёрлаш ва малака ошириш тизимини такомиллаштириш билан боғлиқ. “Оила, маҳалла, мактаб” ҳамкорлигини янада кучайтириш, маҳаллий бошқарув органлари билан ҳамкорликни кенгайтириш, ёшларга чет тилларни чуқур ўргатиш тизимини изчил йўлга қўйиш борасида ечимини кутаётган масалалар мавжуд.

Тадбирда “Таълим тўғрисида”ги қонун ва Кадрлар тайёрлаш миллий дастурининг Фарғона вилояти умумтаълим муассасаларидаги ижроси батафсил таҳлил қилинди. Мавжуд камчиликларни бартараф этиш юзасидан тегишли тавсиялар берилди.


Кўришлар сони: 10202

Депутатлар минбари

Янгиликлар

03.06.2020
Депутатлик сўровини юбориш тартиби такомиллашади(ми?)

Тадбирда Қонунчилик палатаси депутати сўровини юбориш тартибининг бугунги ҳолати, соҳадаги мавжуд...

03.06.2020
Ўзбекистон Франция парламентлари дўстлик гуруҳлари ҳамкорлиги

Аввал хабар берилганидек, Ўзбекистон Республикаси Қонунчилик палатасида хорижий парламентлар билан...

03.06.2020
Давлат бюджети: Қатъий назорат ўрнатилган жойда муаммолар бўлмайди

— Давлат бюджети тўғрисидаги қонуннинг ўтган йил декабрь ойида қабул қилингани бюджет ташкилотларининг...

Тадбирлар тақвими