Cайт ранги: A A


Қўмита ва комиссиялар йиғилишлари

Ёшлар парламентининг вазифалари муҳокама қилинди

Ёшлар парламентининг вазифалари муҳокама қилинди

2020 йил 3 июль куни парламент қуйи палатасида Ёшлар парламенти аъзоларини шакллантириш бўйича Республика комиссиясининг биринчи йиғилиши видеоконференция тарзида ўтказилди.   

Видеоконференцияда давлатимиз раҳбарининг 2020 йил 2 мартдаги Фармони билан тасдиқланган Давлат дастурининг 21-банди ижросини таъминлаш ҳамда ёшларни қўллаб-қувватлаш, уларнинг ҳуқуқий онги ва саводхонлигини ошириш, жамиятда ёшларни сиёсий фаол қатламга айлантириш ҳамда уларнинг сиёсий-ҳуқуқий билим ва кўникмаларини амалда бойитиш, қонунчилик ва қонун ижодкорлиги жараёнига ёшларни жалб қилиш ва қабул қилинаётган қонунларни ёшлар орасида кенг тарғиб қилиш орқали уларнинг парламент ҳаётига дахлдорлигини ошириш мақсадида ташкил этилган Ёшлар парламенти ёшлар орасида катта ўринга эга бўлиши айтиб ўтилди.

Бугунги кунда жаҳон парламентларида ёшларнинг ўрни қандай? Улар билан ишлашда қандай чоралар кўрилмоқда? Янги ташкил этилган Ёшлар парламенти аъзоларини шакллантиришда нималарга эътиборни қаратиш лозим? Тадбирда мана шундай долзарб саволлар ўртага ташланиб, жавоблар изланди.

Таъкидланганидек, юртимизда қизғин сиёсий курашлар остида ўтган сайловлар натижасида янги парламент қуйи палатаси депутатларининг таркиби шаклланди. Уларнинг 48 нафарини аёллар, 9 нафарини яъни 6 фоизини ёшлар ташкил этмоқда. Бу кўрсатгич ўтган чақириққа нисбатан қарийиб 3 фоизга кўпдир.

Сўзга чиққанлар янги ташкил этилган Ёшлар парламентининг мақсадлари, ёшларнинг қонун ижодкорлиги жараёнидаги иштирокини янада кенгайтириш, Олий Мажлис палаталари қўмиталари билан ўзаро алоқаларни йўлга қўйиш, уларнинг қонунчилик ҳамда парламент назоратини амалга ошириш жараёнларида иштирок этишга алоҳида эътибор қаратиш лозимлигини айтиб ўтдилар.

Видеоконференцияда Ёшлар парламенти ёшларни ватанпарварлик руҳида тарбиялаш, улар ўртасида жиноятчилик ва ҳуқуқбузарликларнинг олдини олиш, ёшларни маданият, санъат ва спортга кенг жалб этиш, уларда замонавий ахборот технологияларидан тўғри фойдаланиш кўникмасини шакллантириш, китобхонлик маданиятини юксалтириш, хотин-қизлар бандлигини таъминлаш бўйича кечиктириб бўлмайдиган вазифаларни бажариши белгиланди.

Тадбирда хорижий мамлакатлар тажрибаси таҳлилига алоҳида эътибор қаратилди. Ёшлар парламенти фаолиятида хорижий давлатлар тажрибаларидан унумли фойдаланган ҳолда ёшларга оид давлат сиёсати соҳасидаги халқаро ҳамкорликни янада ривожлантиришга эътибор қаратиш кўрсатиб ўтилди.

Видеоконференцияда Тадбиркорлар ва ишбилармонлар ҳаракати – Ўзбекистон Либерал-демократик партияси, Ўзбекистон “Адолат” социал-демократик партияси, Ўзбекистон “Миллий тикланиш” демократик партияси, Ўзбекистон халқ демократик партияси, Ўзбекистон экологик партияси вакиллари сўзга чиқиб, “Ёшлар парламенти”нинг тарғиботига алоҳида эътибор бериш лозимлигини ҳамда аъзоларни шакллантириш юзасидан таклиф ва мулоҳазаларни ўртага ташладилар.

Тадбирда билдирилган таклиф ва тавсиялар, мулоҳазалар асосида чора-тадбирлар белгилаб олинди.


Тадбир ташкилотчилари

Ёшлар масалалари бўйича комиссия

Кўришлар сони: 1047

Депутатлар минбари

Янгиликлар

26.09.2020
ЎзХДП фракцияси таълим тизимида сифат ва самарадорликни ошириш бўйича таклифлар тайёрлашга киришди

Пандемия билан боғлиқ қийинчиликларни енгиб ўтиш учун таълим тизимида улкан ва масъулиятли ишлар ...

25.09.2020
Қонунчилик палатаси Спикери Н.Исмоилов: Адолатли глобал тизимни яратиш йўлида муҳим ташаббуслар

Парламентлар анъанавий қонун ижодкорлиги, вакиллик ва назорат функцияларидан ташқари ташқи сиёсат ва...

25.09.2020
Шуҳрат Ғаниев номзоди Бош вазир ўринбосари лавозимига маъқулланди

2020 йил 25 сентябрь куни Олий Мажлис Қонунчилик палатасининг навбатдаги мажлиси бўлиб ўтди. Унда...

Тадбирлар тақвими