Cайт ранги: A A


Қўмита ва комиссиялар йиғилишлари

Қўмита Вазирлар Маҳкамасининг ҳисоботини қандай баҳолади?

Қўмита Вазирлар Маҳкамасининг ҳисоботини қандай баҳолади?

2019 йил 30 октябрь куни парламент қуйи палатасининг Меҳнат ва ижтимоий масалалар қўмитасининг кенгайтирилган йиғилиши бўлиб ўтди. Унда Вазирлар Маҳкамасининг 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини “Фаол инвестициялар ва ижтимоий ривожланиш йили”да амалга оширишга оид Давлат дастурининг 2019 йилнинг III чорагида бажарилишининг бориши юзасидан ҳисоботи эшитилди.

Депутатлар, экспертлар, тегишли вазирлик ва идораларнинг масъул раҳбарлари ҳамда журналистлар иштирок этган тадбирда таъкидланганидек, 2019 йилнинг январь-сентябрь ойларида ялпи ички маҳсулот (ЯИМ) ўтган йилнинг мос даврига нисбатан 5,7 фоизга ўсди. Хусусан, саноат тармоқлари физик ҳажми индекси 7,0 фоиз, хизматлар – 12,7 фоиз, чакана савдо айланмаси – 7,0 фоиз ҳамда қишлоқ, ўрмон ва балиқ хўжалиги 2,4 фоизга ортиши иқтисодий ўсишнинг асосий омили сифатида хизмат қилди

Муҳокамалар чоғида асосий эътибор ҳисоботнинг ижтимоий соҳани ривожлантириш йўналишига қаратилди.

Қайд этилганидек, ижтимоий соҳани ривожлантириш соҳасида аҳоли ўртасида ишсизликни камайтириш, одамларнинг даромадларини ошириш, таълимни ривожлантириш, тиббий хизматлар сифатини яхшилаш, улар билан аҳолини қамраб олишни кенгайтириш, хотин-қизлар, ёшларни ижтимоий қўллаб-қувватлашни кучайтириш, одамларнинг турмуш шароитларини яхшилаш, жамиятда соғлом турмуш тарзини қарор топтириш, жисмоний тарбия, спортни янада оммалаштириш ҳамда туризм соҳаларини такомиллаштиришга қаратилган қатор тизимли ишлар амалга оширилган.

Натижада жорий йилнинг январь-сентябрь ойларида ишлаб чиқариш, йўл ва бошқа коммуникация инфратузилма объектлари ишга туширилиб, янги иш ўринлари яратилган. Хусусан, аҳоли бандлигини таъминлаш, янги иш ўринларини ташкил этиш борасида илк маротаба Ўзбекистон Республикаси Президентининг 2019 йил 5 мартдаги қарори билан жорий йилда 370 минг янги иш ўрни ташкил этиш ва 182 минг аҳолини вақтинчалик иш ўринларига жалб қилиш бўйича давлат буюртмасининг мақсадли параметрлари тасдиқлангани аҳоли бандлигини таъминлашнинг янги механизмларини яратишда муҳим омил бўлди.

Жорий йилнинг ўтган даврида республика бўйича 266,3 мингта янги иш ўрни яратилгани депутатлар томонидан эътироф этилди. Бу кўрсатгич прогнозга нисбатан 119,8 фоизни ташкил этмоқда. Шундан сўнг депутатлар иқтисодиёт тармоқларида йирик лойиҳаларни амалга ошириш ҳисобига ишга туширилган 27,6 минг иш ўринларини чуқур таҳлил қилдилар. Кичик бизнес субъектлари томонидан амалга оширилган лойиҳалар ҳисобига 129,0 минг иш ўринларини яратишда аниқланган муаммолар, фаолият кўрсатмаётган объектлар негизида 11,5 минг янги иш ўринлари ташкил этилишидаги масалалар атрофлича муҳокама қилинди.

Ҳукумат ҳисоботи якуни бўйича қўмитанинг тегишли қарори қабул қилиниб, Давлат дастури ижросини сифатли ва ўз вақтида таъминлаш бўйича аниқ тавсиялар берилди.


Кўришлар сони: 799

Депутатлар минбари

Янгиликлар

27.02.2020
Депутатлар муҳим масалалар юзасидан олимлар фикрини ўрганмоқда

Маълумотларга кўра, атмосфера ҳавосининг ифлосланиши оқибатида хар йили 7 миллион нафар инсон ҳаётдан...

27.02.2020
Депутатлар ёшлар билан учрашди

2020 йил 27 февраль куни Тошкент давлат архитектура институтида Ўзбекистон Республикаси Олий Мажлиси...

27.02.2020
Спикер ўринбосари А.Ҳаитов cурхондарёлик сайловчилар билан мулоқот қилди

Олий Мажлис Қонунчилик палатаси Спикери ўринбосари, ЎзЛиДеП фракцияси раҳбари Актам Ҳаитов халқ ...

Тадбирлар тақвими