Cайт ранги: A A


Қўмита ва комиссиялар йиғилишлари

Давлат бошқарувида хотин-қизларнинг фаоллиги қандай?

Давлат бошқарувида хотин-қизларнинг фаоллиги қандай?

2019 йил 26 сентябрь куни Олий Мажлис Қонунчилик палатасида Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитаси томонидан “Жамият ва давлат бошқарувида хотин-қизларнинг роли ва мақомини ошириш: Ўзбекистон ва Германия тажрибаси” мавзусида давра суҳбати ўтказилди.

Унда депутатлар, фуқаролик жамияти институтлари вакиллари, олимлар, экспертлар ҳамда журналистлар иштирок этди.

Таъкидланганидек, хотин-қизларнинг жамият ва давлат ишларида тенг ҳуқуқли равишда иштирок этиши демократик ҳуқуқий давлат қурилишининг асосий талабларидан бири ҳисобланади. Шу боис, мамлакатимизда мазкур соҳада тизимли ишлар амалга оширилмоқда. Хусусан, соҳани ҳуқуқий жиҳатдан мустаҳкамлаш мақсадида 2019 йил 2 сентябрь куни Ўзбекистон Республикасининг “Хотин-қизлар ва эркаклар учун тенг ҳуқуқлар ва тенг имкониятлар кафолатлари тўғрисида”ги Қонун қабул қилинди.

Ушбу ҳужжат аёллар ва эркакларнинг жамият ва давлат бошқарувида тенг иштирок этишини, уларнинг соғлиқни сақлаш, таълим, фан, маданият, меҳнат ва ижтимоий ҳимоя соҳаларида, шунингдек, давлат ва ижтимоий ҳаётнинг бошқа жабҳаларида тенг ҳуқуқ ва имкониятларини кафолатлайди.

Давра суҳбати иштирокчиларидан бири машҳур сиёсатчи, Германиянинг собиқ адлия вазири – доктор Херта Дойблер Гмелин хоним йиғилганларга Германияда давлат ва жамият бошқарувида хотин-қизларнинг иштироки, уларнинг қонунчилик жараёнидаги фаолияти ҳақида маълумот берди. Парламент қуйи палатаси депутати Людмила Кошелапова эса, мамлакатимизда аёлларнинг ҳуқуқ ва имкониятларининг кенгайиши ва уларнинг юртимиз ижтимоий-сиёсий ҳаётидаги ролини янада ошириш бўйича амалга оширилаётган ишлар бўйича маъруза қилди.

Тадбирда иштирокчилар давлат ва жамият бошқарувини янада такомиллаштиришда хотин-қизларнинг иштироки бўйича тажрибалар алмашишди.


Кўришлар сони: 634

Депутатлар минбари

Янгиликлар

28.01.2020
Ов қилиш ва овчилик хўжалиги соҳасининг ҳуқуқий асоси такомиллаштирилмоқда

Олий Мажлис Қонунчилик палатасининг янги таркиби қонун ижодкорлиги жараёнларига киришиб кетди. Айни...

28.01.2020
Қонунчилик палатаси Кенгашининг илк йиғилиши ўтказилди

Йиғилишда Олий Мажлис Қонунчилик палатасида тузилган барча қўмиталар ҳамда депутатлик бирлашмалари...

24.01.2020
Гулшана ХУДОЁРОВА: Президентнинг таълим-тарбияга ғамхўрлиги замирида катта ҳикмат бор

Бугунги Мурожаатномада кўтарилган энг устувор ғоя ҳам барча соҳалардаги ўзгариш ва янгиланишлар,...

Тадбирлар тақвими