Cайт ранги: A A


Қўмита ва комиссиялар йиғилишлари

ИИВ коррупцияга қарши курашиш бўйича дастур ижросига қандай қараяпти?

ИИВ коррупцияга қарши курашиш бўйича дастур ижросига  қандай қараяпти?

Олий Мажлис Қонунчилик палатаси Коррупцияга қарши курашиш ва суд-ҳуқуқ масалалари қўмитаси олдига қўйилган муҳим вазифалардан бири давлат органлари ва муассасаларида коррупцияга қарши курашиш бўйича ишлаб чиқилган амалий дастурларнинг бажарилиши устидан кучли парламент назоратини амалга оширишдир.

Шундан келиб чиқиб, қўмита томонидан 2019 йил 9 августда ўтказилган навбатдаги йиғилишида Ички ишлар вазирлигининг 2019 йилнинг I чорагида фаолияти самарадорлигини ҳамда мақсадли вазифаларга эришишни баҳолашнинг асосий мезонларида кўрсатилган вазифаларни бажариш ҳамда Коррупцияга қарши курашиш бўйича ички дастурининг ижроси юзасидан амалга оширилган ишлар тўғрисидаги ахбороти эшитилди.

Танқидий-таҳлилий муҳокама этилган ахборотда Ички ишлар вазирлиги томонидан жорий йилнинг I чорагида фаолият самарадорлигини ҳамда мақсадли вазифаларга эришишни баҳолашнинг асосий мезонларида кўрсатилган мақсадли вазифаларнинг бажарилиши ҳолати, хусусан, республикада ўғирлик жиноятларининг олдини олиш борасида қилинаётган ишлар тўғрисида батафсил тўхталиб ўтилди. Шунингдек, вазирлик тизимида коррупцияга қарши курариш борасида амалга оширилаётган чора-тадбирлар хусусида маълумот берилди.

Бироқ эшитув чоғида вазирликнинг жиноятчиликка қарши курашиш ҳамда 2019–2020 йилларда коррупцияга қарши курашиш Давлат дастури ижроси юзасидан амалга оширилаётган ишлари қониқарли эмаслиги, бу борада белгиланган вазифалар тўлақонли бажарилмаётгани қайд этиб ўтилди.

Бундан ташқари, вазирлик томонидан Олий Мажлис Қонунчилик палатасига киритилаётган қонун лойиҳаларининг сифатини ошириш масаласига ҳам алоҳида тўхталиб ўтилар экан, лойиҳалар аксарият ҳолларда депутатлар томонидан қарийб 70 фоизгача ўзгартирилиб, қайта ишланаётгани, коррупция элементлари мавжуд нормалардан халос қилинаётгани таъкидланди.

Қизғин муҳокама, танқидий-таҳлилий руҳда ўтган тадбирда Ички ишлар вазирлигига айни масалалар юзасидан фаолиятини янада такомиллаштиришга қаратилган қатор тавсиялар берилди.


Кўришлар сони: 387

Депутатлар минбари

Янгиликлар

22.10.2019
ДЕПУТАТЛАР ҲУКУМАТ АЪЗОЛАРИГА ПАРЛАМЕНТ СЎРОВИНИ ЮБОРИШГА ҚАРОР ҚИЛДИ

Олий Мажлис Қонунчилик палатасининг 2019 йил 22 октябрда бўлиб ўтган мажлисида депутатлар қонун ло...

22.10.2019
МИГРАНТЛАР МАНФААТЛАРИ ҲАМ ҚОНУНИЙЛАШТИРИЛМОҚДА

Олий Мажлис Қонунчилик палатасининг 2019 йил 22 октябрдаги мажлисида депутатлари бугунги кунда ҳамманинг...

22.10.2019
ТУШОВИ УЛОВИДАН ҚИММАТ БЎЛМАЙДИ

Аввал хабар берганимиздек, «Тадбиркорлик субъектларини тугатиш тартиби такомиллаштирилиши муносабати...

Тадбирлар тақвими