Cайт ранги: A A


Қўмита ва комиссиялар йиғилишлари

“MULOQOT” мобиль иловаси — парламентнинг жамоатчилик билан алоқалари сифатини янада яхшилайди

“MULOQOT” мобиль иловаси — парламентнинг жамоатчилик билан алоқалари сифатини янада яхшилайди

Бугун Олий Мажлис Қонунчилик палатасининг Ахборот ва коммуникация технологиялари масалалари қўмитаси томонидан ташкил этилган тадбирда “Micros Development” компанияси томонидан ишлаб чиқилган “Muloqot” мобиль иловасининг аҳамиятли жиҳатлари ҳақида маълумотлар берилди.

Мазкур мобиль илова парламентнинг жамоатчилик билан алоқалари сифатини яхшилаш билан бир қаторда фуқаролар мурожаатларини кўриб чиқиш жараёнлари устидан жамоатчилик назоратини жорий этишни таъминлайди. Шунингдек, “MULOQOT” мобиль иловаси ҳар бир фуқарога реал вақт режимида Олий Мажлис Қонунчилик палатасига мурожаатларни осон ва тезкор юбориш имкониятини беради. Иловадан ўзбек ва рус тилларида фойдаланиш мумкин.

Мобиль илова мурожаатчиларнинг шахсга доир маълумотлари ва шахсий ахборотларини ошкор этилмаслиги ҳамда зарур хавфсизлигини таъминловчи Ўзбекистон Республикаси электрон ҳукумат фойдаланувчиларини идентификация қилиш Ягона тизими (OneID) билан интеграциялашган. Мобиль илова мурожаатчига мурожаатни жўнатишда муаммони тезкор хал этишни таъминлаш мақсадида унга тегишли файлларни (расмлар ёки хужжатлар) қўшиб жўнатиш, шунингдек зарур бўлганда картада мурожаат билан боғлиқ объект жойлашган ерни кўрсатиш имкониятини беради.

Фуқаролар мурожаатига депутатлар томонидан кўрилган чораларнинг самарадорлигини баҳолаш учун берилган жавоблар доирасида жамоатчилик назоратини ўрнатиш мақсадида ҳар бир мурожаат тегишли базага киритилиб борилади.

Бугунги кунда мазкур иловадан Android операцион тизими учун beta режимида фойдаланиш мумкин бўлиб, Олий Мажлис Қонунчилик палатаси фаолиятини ёритувчи бир гуруҳ журналистларга синов ҳолатида ишлатишга берилган. Яқин кунларда, тўлиқ синовдан ўтгандан кейин “MULOQOT” иловасидан Ўзбекистон Республикасининг барча фуқаролари фойдаланиш имкониятига эга бўладилар.


Кўришлар сони: 4469

Депутатлар минбари

Янгиликлар

13.11.2019
Қонун билан тасдиқланаётган Давлат бюджетида нималар кўзда тутилмоқда?

Бу йил парламент тарихида илк бор Давлат бюджети қонун билан мустаҳкамланмоқда. Бу, албатта, давлат...

13.11.2019
Давлат бюджетидан соғлиқни сақлаш тизимига қанча маблағ ажратилмоқда?

Таъкидландики, мазкур лойиҳада 2020 йилда соғлиқни сақлаш соҳаси харажатлари 14,8 трлн. сўмни...

12.11.2019
2020 йил учун Давлат бюджетига доир қонун лойиҳаси кенг муҳокама этилмоқда

Йиғилишда қайд этилганидек, 2020 йилда ялпи ички маҳсулотнинг ўсиши кейинги йилларда унинг ижобий...

Тадбирлар тақвими