Cайт ранги: A A


Қўмита ва комиссиялар йиғилишлари

Қонун лойиҳасига таклифлар қабул қилинди

Қонун лойиҳасига таклифлар қабул қилинди

Олий Мажлис Қонунчилик палатасида Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил тўғрисидаги қонун лойиҳаси муҳокамасига бағишланган давра суҳбати бўлиб ўтди.

Олий Мажлис Қонунчилик палатасининг Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитаси ҳамда Тадбиркор аёл уюшмаси ҳамкорлигида ташкил этган йиғилишда қонун лойиҳасини жамоатчилик муҳокамасидан ўтказиш ва тадбиркорларнинг ҳуқуқларини ҳимоя қилиш борасида билдирилган таклифларни умумлаштириш борасида сўз юритилди.

Йиғилишда Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитаси раиси А.Саидов мазкур қонун лойиҳаси давлат ва нодавлат ташкилотлар томонидан кенг муҳокама қилингани, мазкур жараёнда тадбиркорлар фаол қатнашаётганини алоҳида таъкидлади.

Ўзбекистон Республикаси Президенти ҳузурида Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил институтнинг ташкил этилиши хусусий мулкни ҳимоя қилиш, кичик бизнес ва хусусий тадбиркорликни ривожлантириш доимо эътиборда эканлигидан далолатдир.

Муҳокамалар жараёнида депутатлар, тадбиркорлар қонун лойиҳаси юзасидан таклифлар, тавсиялар билдирди. Хусусан, иштирокчиларнинг Бизнес омбудсманнинг вилоятларда вакили бўлиши лозимлиги, вакилга шикоят қилиш муддати билан боғлиқ ва бошқа таклифлари кўпчиликда қизиқиш уйғотди. Қонун лойиҳасида вакил томонидан тадбиркорлик субъектларидан келган шикоят ва мурожаатларни кўриб чиқиш тартиби билан боғлиқ қоидалар ҳам қизғин муҳокама қилинди. 


Кўришлар сони: 14577

Депутатлар минбари

Янгиликлар

26.02.2020
Кексалар ва ногиронлиги бўлган шахсларнинг ижтимоий ҳимояси: муаммо ва истиқболдаги режалар

“Инсон манфаатлари ҳамма нарсадан устун” деган тамойил асосида халқимиз ҳаётини тубдан яхшилаш бўйич...

26.02.2020
Депутатлар Омбудсманнинг ўринбосари — Бола ҳуқуқлари бўйича вакил лавозимига номзодни маъқулладилар

2020 йил 26 февраль куни Ўзбекистон Республикаси Олий Мажлиси Қонунчилик палатасининг навбатдаги ...

26.02.2020
Ўзбекистон — Литва: Мақсадли сиёсат ва самарали ҳамкорлик

Олий Мажлис Қонунчилик палатасида парламент қуйи палатаси Спикери ўринбосари Б. Алихонов Литва Сеймаси...

Тадбирлар тақвими