Cайт ранги: A A


Қўмита ва комиссиялар йиғилишлари

Парвоз учун жавоб беришга тўғри келади

Парвоз учун жавоб беришга тўғри келади

Шу кунларда Олий Мажлис Қонунчилик палатаси қўмиталарида тузилган ишчи гуруҳларида бир қатор муҳим қонун лойиҳалари қуйи палатанинг навбатдаги мажлиси муҳокамасига киритиш учун тайрланмоқда. Хусусан, Мудофаа ва хавфсизлик масалалари қўмитаси масъуллигида экспетлар, мутахассислар ва фуқаролик жамияти институти вакилларини жалб этган ҳолда биринчи ўқишга тайёрланаётган Жиноят ва Маъмурий жавобгарлик тўғрисидаги кодексларга ўзгартиш ва қўшимчалар киритишни назарда тутувчи янги қонун лойиҳаси қизғин муҳокамаларга сабаб бўлмоқда.

Киритилаётган ўзгаришларнинг мазмуни, аҳамияти ва заруратини изоҳлаб беришни сўраб Қонунчилик палатаси депутати, Мудофаа ва хавфсизлик масалалари қўмитаси аъзоси Алишер Ҳамроевга мурожаат қилдик:  

– Маълумки, охирги вақтларда учувчисиз бошқариладиган қурилмаларни қўллаш билан боғлиқ ҳаво ҳудудидан рухсатсиз фойдаланиш ҳолатлари дунё миқёсида кўпаймоқда. Мазкур қурилмаларни масофадан туриб узоқда жойлашган оператор бошқариши мумкин. Шу боис, бундай ҳолатлар парвозлар хавфсизлигига, алоҳида қўриқланадиган объектларнинг қўриқлаш тизимига, фуқаролар соғлиғи ва ҳаётига, шу билан бирга давлат хавфсизлигига  жиддий хавф туғдириши мумкин. Бундан ташқари, хорижий мамлакатларда ушбу қурилмаларнинг одамлар йиғилган жойларга қулаб тушиши, аэродромлар ҳудудларида рухсатсиз учиб ҳаво кемалари билан тўқнашиш ҳолатлари инсонлар ўлимига сабаб бўлиши эҳтимолдан холи эмас.

Жиноят кодексига киритилаётган янги норма Ўзбекистон Республикасининг самовий ҳудудидан қонунга хилоф равишда (рухсатсиз) фойдаланишни чеклайди. Яъни, ҳаво ҳудудидан санкциясиз фойдаланган шахсларнинг жиноий ва маъмурий жавобгарлигини белгилаш бўйича миллий қонунчилигимизни тўлдиради. Ушбу лойиҳанинг муҳимлиги шундаки, бизнинг амалдаги қонунчилигимизда шу кунга қадар учувчисиз бошқариладиган қурилмалар, ҳаво кемалари ва бошқа учувчисиз аппаратлар парвози, моддий объектларнинг самовий ҳудуддаги ҳаракати билан боғлиқ бошқа фаолиятни амалга оширишда ҳаво ҳудудидан рухсатсиз фойдаланганлик учун жиноий ва маъмурий жавобгарлик нормалари мавжуд эмас эди.

Афсуски, юртимизда бир қатор ҳукумат қарорлари қабул қилинишига қарамасдан бу каби қурилмаларни қўллаш билан боғлиқ ҳаво ҳудудидан рухсатсиз фойдаланиш ҳолатлари давом этмоқда. Эндиликда Ўзбекистон Республикасининг самовий ҳудудидан қонунга хилоф равишда (рухсатсиз) фойдаланиш, шу жумладан учувчисиз учиш аппаратлари билан фойдаланиш маъмурий ва жиноий жавобгарликни келтириб чиқаради. 

Ушбу қонун лойиҳаси фракциялар муҳокамасидан сўнг, палатанинг навбатдаги ялпи мажлис кун тартибига киритилади. 

Суҳбатни Олий Мажлис Қонунчилик палатаси 

Ахборот хизмати ёзиб олди.


Кўришлар сони: 6738

Депутатлар минбари

Янгиликлар

22.06.2018
Суғориш иншоотлари таъмирланадиган бўлди

Вилоятда шу кеча кундузда 20339 та фермер хўжаликлари фаолият олиб бормоқда. Шуларнинг 8058 таси ғў...

22.06.2018
Фракция раҳбари фермер хўжаликлари фаолияти билан яқиндан танишди

Бугун Қонунчилик палатаси Спикери ўринбосари, ЎзМТДП фракцияси раҳбари Сарвар Отамуратов "Ғўзада кафолатли...

22.06.2018
Сувни тежовчи замонавий технологиялар амалиётга кенг жорий қилинмоқда

Аввал хабар қилинганидек, жойларда парламент қуйи палатаси депутатлари томонидан қишлоқ хўжалигида ...

Тадбирлар тақвими