Cайт ранги: A A


Қўмита ва комиссиялар йиғилишлари

«Чиқиндилар тўғрисида»ги Қонун янги таҳрирда қабул қилиниши мумкин

«Чиқиндилар тўғрисида»ги Қонун янги таҳрирда қабул қилиниши мумкин

Айни пайтда Экоҳаракат депутатлар гуруҳи ҳамда Экология ва атроф-муҳитни муҳофаза қилиш масалалари қўмитаси аъзолари томонидан «Чиқиндилар тўғрисида»ги Ўзбекистон Республикаси Қонунига ўзгартиш ва қўшимчалар киритиш ҳақида»ги қонун лойиҳаси муҳокама этилмоқда.

Даставвал қўмита ҳузурида экспертлар гуруҳи тузилди. Ҳозирги вақтда ушбу ишчи гуруҳи қонун лойиҳасини дастлабки ўқишга тайёрлаш устида фаолият олиб бормоқда.

Маълумки, 2002 йилда «Чиқиндилар тўғрисида»ги Ўзбекистон Республикаси Қонуни қабул қилинган эди. Мазкур Қонуннинг мақсади ва асосий вазифалари чиқинди билан боғлиқ ишларни амалга ошириш соҳасидаги муносабатларни тартибга солиш, чиқиндиларнинг фуқаролар ҳаёти ва соғлиғига, атроф муҳитга зарарли таъсирининг олдини олиш, чиқиндилар ҳосил бўлишини камайтириш ва улардан хўжалик фаолиятида оқилона фойдаланилишини таъминлашдан иборат. Шу билан бирга, ҳар йили республикамизда 35 млн. м3га яқин маиший, 100 млн. тоннадан ортиқ саноат (шундан тахминан 14%и токсик) чиқиндилар ҳосил бўлиб, уларнинг аксарият қисми қайта ишланмайди ва такрор фойдаланилмайди. Шу нуқтаи назардан мамлакатни келгусида барқарор ривожлантиришнинг янги шароитлари чиқиндилар билан боғлиқ ишларни амалга ошириш соҳасидаги амалдаги қонунчиликни такомиллаштиришни тақозо қилмоқда.

Шу муносабат билан амалдаги Қонунга қуйидаги ўзгартиш ва қўшимчаларни киритиш зарурати пайдо бўлмоқда.

– Чиқиндиларни турларга ажратиш (саралаш) жаҳон миқёсида қўлланиладиган амалиёт эканлигини ҳамда чиқиндиларни бошқаришда муҳим аҳамият касб этишини, шунингдек тиббий, ветеринария ва биологик хавфли чиқиндиларни йўқ қилиш, симобли лампалар ва приборларни зарарсизлантириш бўйича махсус тажрибанинг мавжудлигини инобатга олиб Қонуннинг 2-моддаси иккинчи ва учинчи хатбошиларини «саралаш», «зарарсизлантириш» ва «йўқ қилиш» сўзлари билан тўлдириш таклиф этилмоқда, – дейди қўмита аъзоси Фарҳод Кувватов. – Бундан ташқари, саралаш ва зарарсизлантириш йўли билан пайдо бўлган чиқиндилардаги фақатгина фойдали компонентларни унумли равишда олишгина эмас, балки зарарли тиббий, ветеринария ва биологик чиқиндиларнинг хавфсиз йўл билан йўқ қилишни ҳамда симобли лампалар ва приборлар каби чиқиндиларни, оғир металлар (хром, никель, кадмий) бирикмаларини, радиоактив моддалар ва радиоактив чиқиндиларни зарарсизлантиришни амалга оширишга имкон берадиган бир қатор усуллар мавжуд. Таклиф этилаётган қонун лойиҳасининг қабул қилиниши, ишлаб чиқариш ва истеъмол жараёнида чиқиндиларнинг пайдо бўлишини камайтиришга, хўжалик фаолиятда уларнинг қайта фойдаланилиши самарасини оширишга, уларнинг атроф муҳитга салбий таъсирини камайтиришга, табиий ресурсларни тежашни таъминлашга, шунингдек аҳолининг соғлиги ва генофондини сақлашга, мамлакатнинг барқарор ривожланишига ёрдам беради.


Кўришлар сони: 11058

Депутатлар минбари

Янгиликлар

28.10.2020
Таълим-тарбия масъулияти ва амалий натижалар

Бугунги кунда мамлакатимиз таълим тизимида қандай ислоҳотлар олиб борилмоқда? Уларнинг амалий натижалари...

28.10.2020
Жиноят ишлари бўйича судларда дастлабки эшитув институти жорий этилади

Таъкидланганидек, қонун лойиҳаси билан судда ишларни кўришда инсон ҳуқуқлари кафолатларини янада куч...

28.10.2020
Қонун лойиҳаси қурилиш сифатининг ошишига хизмат қилади

Қонун лойиҳаси билан Қурилиш соҳасида назорат инспекцияси ва ҳудудий инспекциялар бошлиқларига ҳуқ...

Тадбирлар тақвими