Cайт ранги: A A


Қўмита ва комиссиялар йиғилишлари

Мактабдан ташқари таълим самарадорлиги ошмоқда

Мактабдан ташқари таълим самарадорлиги ошмоқда
Ўзбекистон Республикаси Олий Мажлиси Қонунчилик палатаси Фан, таълим, маданият ва спорт масалалари қўмитаси томонидан “Мактабдан ташқари таълим: сифат ва самарадорлик” мавзуида давра суҳбати ўтказилди. 
Унда Ўзбекистон Республикаси Халқ таълими, Маданият ва спорт ишлари вазирликлари мутасаддилари, илмий-тадқиқот институтлари, Республика таълим маркази мутахассислари, мактабдан ташқари таълим масканлари педагоглари иштирок этди. 

Олий Мажлис Қонунчилик палатаси Фан, таълим, маданият ва спорт масалалари қўмитаси раиси А.Шодмонов, Ўзбекистон Республикаси халқ таълими вазири ўринбосари, Болалар спортини ривожлантириш жамғармаси ижро этувчи директори Э.Искандаров ва бошқалар Президентимиз Ислом Каримов раҳнамолигида соғлом ва баркамол авлодни вояга етказишга давлат сиёсатининг устувор йўналиши сифатида эътибор қаратилаётганини таъкидлади. 

Мактабдан ташқари таълим болаларнинг ўқишга қизиқишини ошириши билан бирга уларнинг ижодий-интеллектуал салоҳиятини юксалтириш, бўш вақтини тўғри ташкил этишда муҳим аҳамият касб этади. Мамлакатимизда фаолият кўрсатаётган «Баркамол авлод» болалар марказлари, болалар мусиқа ва санъат мактаблари, болалар ва ўсмирлар спорт мактаблари ўғил-қизларнинг истеъдод ва қобилиятини тўғри шакллантириш, касб-ҳунарга йўналтириш имконини бермоқда.

Анъанавий тарзда ташкил этилаётган «Она юрт оҳанглари», «Санъат ғунчалари», «Камалак» юлдузлари», «Ягонасан, муқаддас Ватан!» республика кўрик-танловлари, Тасвирий ва амалий санъат фестивали каби ижодий лойиҳалар мактабдан ташқари таълим масканларига қатнаётган болаларнинг фаолиятини кенг жамоатчиликка танитмоқда, уларни янада илҳомлантирмоқда. 

Давра суҳбатида мактабдан ташқари таълим муассасаларидаги тўгараклар машғулотларининг сифати ва самарадорлигини янада юксалтириш, тўгарак раҳбарларининг касб салоҳиятини муттасил ошириш, болалар ва ўсмирлар спорт мактабларини малакали спорт мураббийлари билан янада кўпроқ таъминлашга оид масалалар атрофлича муҳокама этилди. 

Кўришлар сони: 9777

Депутатлар минбари

Янгиликлар

10.10.2019
Депутатлар ташаббуси: Ипотека таътилларини жорий қилиш таклиф этилмоқда

Фуқаро ипотека кредити асосида уй-жой харид қилади. Доимий иш жойи ва даромади бор. Уч-тўрт йил да...

10.10.2019
Қонун лойиҳаси бўйича саноат корхоналари ва инвесторларнинг фикрлари инобатга олинмоқда

Ўзбекистон Республикаси Олий Мажлис Қонунчилик палатаси Саноат, қурилиш ва савдо масалалари қўмитаси...

09.10.2019
Мамлакат фермерларининг депутатларга мурожаати кўриб чиқилди

2019 йил 9 октябрь куни Олий Мажлис Қонунчилик палатасида навбатдаги парламент эшитуви ўтказилди....

Тадбирлар тақвими