Cайт ранги: A A


Қўмита ва комиссиялар йиғилишлари

Ўсимлик дунёси муҳофазаси доимо эътиборда

Ўсимлик дунёси муҳофазаси доимо эътиборда
Ўзбекистон Республикаси Олий Мажлиси Қонунчилик палатасида ўсимлик дунёсини муҳофаза қилиш ва ундан фойдаланишга оид қонунчиликни такомиллаштириш масалаларига бағишланган давра суҳбати бўлиб ўтди. 

Ўзбекистон Республикаси Олий Мажлиси Қонунчилик палатасининг Экология ва атроф-муҳитни муҳофаза қилиш масалалари қўмитаси ҳамда Экоҳаракат депутатлар гуруҳи ҳамкорлигида ташкил этилган давра суҳбатида давлат ва жамоат ташкилотлари вакиллари, олимлар, мутахассислар, экспертлар, оммавий ахборот воситалари ходимлари иштирок этди. 

Парламент қуйи палатасининг Экология ва атроф-муҳитни муҳофаза қилиш масалалари қўмитаси раиси ўринбосари С.Худойберганов, Ўзбекистон Фанлар академияси Ўсимлик ва ҳайвонот дунёси генофонди институти директори К.Тожибоев ва бошқалар мамлакатимизда амалга оширилаётган иқтисодий ва экологик ислоҳотлар жараёнида ўсимлик дунёсини муҳофаза қилиш ва ундан оқилона фойдаланишга қаратилаётган доимий эътибор экотизимни барқарор ривожлантиришга хизмат қилаётганини таъкидлади. Ўзбекистон Республикасининг «Ўсимлик дунёсини муҳофаза қилиш ва ундан фойдаланиш тўғрисида»ги қонуни бу жараёнда муҳим дастуриламал бўлмоқда. 

Ўсимликларнинг давлат кадастрини юритиш, ўрмончиликни ривожлантириш, илм-фан фаолиятини такомиллаштириш, табиий ресурсларни муҳофазалаш ва улардан оқилона фойдаланишда жамоат ташкилотлари ва аҳоли иштирокини кучайтириш муҳим аҳамият касб этади. Юртимизда ҳар йили ободонлаштириш ва кўкаламзорлаштириш ойликлари, ҳашарлар уюштирилиб, уларда барча корхона ва ташкилотлар, юртдошларимиз фаол қатнашмоқда. 

Бундай кенг қамровли чора-тадбирлар натижасида муҳофаза этиладиган табиий ҳудудлар майдони кенгаймоқда. Биологик хилма-хилликни асраш, ёввойи ҳолда ўсувчи ўсимлик турлари ҳамда уларнинг генетик фондини сақлаб қолиш борасида ўзига хос тажриба орттирилди. 

Бу ишларни янада такомиллаштириш, илм-фан ва амалий ишларни шиддат билан ўзгараётган давр талабларига мос ҳолда ташкил этиш муҳим вазифалардан. «Ўсимлик дунёсини муҳофаза қилиш ва ундан фойдаланиш тўғрисида»ги қонунга ўзгартиш ва қўшимчалар киритиш ҳақида»ги қонун лойиҳаси ана шу йўналишдаги мақсадларга хизмат қилади. Қонун лойиҳасида ўсимлик дунёсини муҳофаза қилиш, ундан фойдаланиш ва такрор етиштириш соҳасидаги муносабатларни тартибга солиш, ўсимлик дунёсини муҳофаза қилишнинг ҳуқуқий механизмларини такомиллаштириш ва бошқа бир қатор меъёрлар кўзда тутилган. 

Давра суҳбатида ўсимлик оламини муҳофазалаш борасида амалга оширилаётган ишлар самаралари, бу борадаги муаммоларни бартараф этиш, қонунчиликни такомиллаштириш зарурати ва янги қонун лойиҳасининг мақсад-моҳиятига оид маърузалар тингланди, фикр-мулоҳаза алмашилди. 

Кўришлар сони: 8529

Депутатлар минбари

Янгиликлар

10.10.2019
Депутатлар ташаббуси: Ипотека таътилларини жорий қилиш таклиф этилмоқда

Фуқаро ипотека кредити асосида уй-жой харид қилади. Доимий иш жойи ва даромади бор. Уч-тўрт йил да...

10.10.2019
Қонун лойиҳаси бўйича саноат корхоналари ва инвесторларнинг фикрлари инобатга олинмоқда

Ўзбекистон Республикаси Олий Мажлис Қонунчилик палатаси Саноат, қурилиш ва савдо масалалари қўмитаси...

09.10.2019
Мамлакат фермерларининг депутатларга мурожаати кўриб чиқилди

2019 йил 9 октябрь куни Олий Мажлис Қонунчилик палатасида навбатдаги парламент эшитуви ўтказилди....

Тадбирлар тақвими