Cайт ранги: A A


Қўмита ва комиссиялар йиғилишлари

Аҳоли бандлигини таъминлаш дастури муҳокамада

Аҳоли бандлигини таъминлаш дастури муҳокамада
Ўзбекистон Республикаси Олий Мажлиси Қонунчилик палатасида Меҳнат ва ижтимоий масалалар қўмитаси томонидан 2015 йилда иш ўринлари ташкил этиш ва аҳоли бандлигини таъминлаш бўйича дастурнинг мазмун-моҳияти ва вазифаларига бағишланган давра суҳбати ташкил этилди. 

Олий Мажлис Қонунчилик палатасининг Меҳнат ва ижтимоий масалалар қўмитаси раиси Ф.Ражабов, меҳнат ва аҳолини ижтимоий муҳофаза қилиш вазирининг биринчи ўринбосари Б.Алимуҳамедов ва бошқалар Президентимиз Ислом Каримов раҳнамолигида амалга оширилаётган ижтимоий-иқтисодий ислоҳотлар жараёнида аҳоли бандлигини таъминлашга қаратилаётган доимий эътибор халқимизнинг турмуш даражаси ва сифатини янада оширишга хизмат қилаётганини алоҳида таъкидлади. 

Мамлакатимизда бу борада ислоҳотларни ҳаётга татбиқ этишнинг мустаҳкам ҳуқуқий асослари яратилган ва муттасил такомиллаштирилмоқда. Аҳоли бандлигини таъминлаш бўйича ҳар йили махсус дастур ишлаб чиқилиб, ҳаётга татбиқ этилмоқда. 

2015 йилда янги иш ўринлари ташкил этиш ва аҳоли бандлигини таъминлаш бўйича ишлаб чиқилган дастур лойиҳасида ушбу йўналишда амалга ошириладиган устувор вазифалар ифодасини топган. Унга кўра, 2015 йилда 987,5 минг янги иш ўрни яратилиши режалаштирилган. Бу жараёнда иш билан банд бўлмаган аҳолини, хусусан, ёшлар ва аёлларни ишга жойлаштириш, аҳолининг ижтимоий ҳимоясини таъминлаш, меҳнат бозорида фаол ва аниқ мақсадли чора-тадбирларни амалга ошириш кўзда тутилган. 

Дастур лойиҳасида таълим муассасалари битирувчиларининг бандлигини таъминлаш масаласига ҳам алоҳида эътибор қаратилган. Бу борадаги вазифаларни ҳаётга татбиқ этишда тегишли вазирлик ва идоралар, хўжалик бошқаруви органлари, ҳокимликлар, корхона ва ташкилотлар иштирокида ҳар бир туман миқёсида махсус чора-тадбирлар ишлаб чиқиш белгиланган.

Давра суҳбатида 2015 йилда иш ўринлари ташкил этиш ва аҳоли бандлигини таъминлаш дастури лойиҳасини янада такомиллаштириш, бу соҳада қонунчиликда белгиланган вазифаларни ҳаётга изчил татбиқ этиш билан боғлиқ масалалар юзасидан таклифлар билдирилди. 

Кўришлар сони: 10829

Депутатлар минбари

Янгиликлар

03.06.2020
Депутатлик сўровини юбориш тартиби такомиллашади(ми?)

Тадбирда Қонунчилик палатаси депутати сўровини юбориш тартибининг бугунги ҳолати, соҳадаги мавжуд...

03.06.2020
Ўзбекистон Франция парламентлари дўстлик гуруҳлари ҳамкорлиги

Аввал хабар берилганидек, Ўзбекистон Республикаси Қонунчилик палатасида хорижий парламентлар билан...

03.06.2020
Давлат бюджети: Қатъий назорат ўрнатилган жойда муаммолар бўлмайди

— Давлат бюджети тўғрисидаги қонуннинг ўтган йил декабрь ойида қабул қилингани бюджет ташкилотларининг...

Тадбирлар тақвими