Cайт ранги: A A


Қўмита ва комиссиялар йиғилишлари

Аҳолининг санитария-эпидемиологик осойишталиги йўлида

Аҳолининг санитария-эпидемиологик  осойишталиги  йўлида

Куни кеча Олий Мажлис Қонунчилик палатаси Меҳнат ва ижтимоий масалалар қўмитасининг навбатдаги йиғилиши бўлиб ўтди. Унда «Аҳолининг санитария-эпидемиология масалаларида осойишталиги тўғрисида”ги Ўзбекистон Республикаси қонуни лойиҳасини Олий Мажлис Қонунчилик палатасида кўриб чиқиш учун қабул қилиш мумкинлиги тўғрисидаги масала муҳокама этилди

Таъкидланганидек ушбу ҳуқуқий ҳужжат Ўзбекистон Республикаси Президентининг «Соғлом бола йили” Давлат дастури тўғрисида”ги Қарори билан тасдиқланган, “Соғлом бола йили” Давлат дастурига асосан аҳолининг санитария-эпидемиологик осойишталигини таъминлашнинг ҳуқуқий асосларини такомиллаштириш, шу жумладан болаларнинг таълим-тарбия, маданият, спорт ва бошқа муассасаларига қўйиладиган санитария-эпидемиологик, касалликлар профилактикаси бўйича талабларни, аҳоли, айниқса болаларни эмлаш, соғлиғини сақлаш ва мустаҳкамлаш, санитария нормалари ва қоидаларига риоя этишни таъминлашни ҳамда мактабгача, умумий, ўрта махсус ва касб-ҳунар таълими босқичларида болаларни санитария ва гигиена асосларига ўқитишга доир чора-тадбирларни жорий этиш мақсадида ҳукумат томонидан киритилган.

Тадбирда Қўмита қошида қонун лойиҳаси муҳокамасини самарали ташкил этиш бўйича депутатлар, Вазирлар Маҳкамаси, вазирликлар, давлат органлари, илмий муассасалар вакиллари ҳамда эксперт олимлар таркибидан иборат ишчи гуруҳи аъзолари иштирок этишди.

Йиғилишда Ўзбекистонда жамоат саломатлигини, шу жумладан аҳолининг санитария-эпидемиологик осойишталигини таъминлаш соҳасида норматив-ҳуқуқий базани янада ҳамда иқтисодий, ижтимоий ва маданий алоқаларнинг интенсивлиги ҳамда атроф-муҳит ўзгариши билан тавсифланадиган глобал ўзгаришлар шароитларида ижтимоий муносабатларнинг ривожланиши жамоат саломатлиги хавфсизлигини таъминлашнинг ҳуқуқий механизмларини такомиллаштириш зарурати мавжудлиги таъкидлаб ўтилди.

Шу билан бирга йиғилишда қонун ташаббускори субъекти томонидан қонун лойиҳасини Қонунчилик палатаси муҳокамасига белгиланган талабларга мос равишда киритилганлиги эътироф этилди.

Йиғилиш якунида Қўмита қонун лойиҳаси юзасидан Олий Мажлис Қонунчилик палатасидаги барча сиёсий партия фракциялари ҳамда Экоҳаракат депутатлар гуруҳининг қонун лойиҳасини Қонунчилик палатаси кўриб чиқиши учун қабул қилиш мумкинлиги тўғрисидаги хулосаларини инобатга олган ҳолда, қонун лойиҳасини навбатдаги Қонунчилик палатаси ялпи йиғилиши кун тартиби лойиҳасига киритиш учун қарор қабул қилди. 


Кўришлар сони: 11212

Депутатлар минбари

Янгиликлар

26.02.2020
Кексалар ва ногиронлиги бўлган шахсларнинг ижтимоий ҳимояси: муаммо ва истиқболдаги режалар

“Инсон манфаатлари ҳамма нарсадан устун” деган тамойил асосида халқимиз ҳаётини тубдан яхшилаш бўйич...

26.02.2020
Депутатлар Омбудсманнинг ўринбосари — Бола ҳуқуқлари бўйича вакил лавозимига номзодни маъқулладилар

2020 йил 26 февраль куни Ўзбекистон Республикаси Олий Мажлиси Қонунчилик палатасининг навбатдаги ...

26.02.2020
Ўзбекистон — Литва: Мақсадли сиёсат ва самарали ҳамкорлик

Олий Мажлис Қонунчилик палатасида парламент қуйи палатаси Спикери ўринбосари Б. Алихонов Литва Сеймаси...

Тадбирлар тақвими