Cайт ранги: A A


Палата мажлислари

Давлат бюджети: Маблағлар биринчи навбатдаги чора-тадбирларга йўналтирилади

Давлат бюджети:  Маблағлар биринчи навбатдаги чора-тадбирларга йўналтирилади

“2020 йил учун Ўзбекистон Республикасининг Давлат бюджети тўғрисида”ги Қонунига ўзгартиш ва қўшимчалар киритиш тўғрисида”ги қонун лойиҳаси Олий Мажлис Қонунчилик палатасида долзарб масалалар қаторида манфаатдорлик билан, қизғин муҳокама қилинди.

Таъкидлаб ўтилганидек, 2020 йил мамлакатимиз учун турли синовлар билан бошланди. Мамлакатимизда коронавирус пандемияси ва глобал инқироз оқибатларини юмшатиш ишлари олиб борилаётган бир пайтда Бухоро вилоятида, сўнгра Сирдарё вилоятида табиий офатлар юз берди. Бу ҳолатлар қўшимча катта маблағ сарфини талаб қилади. Шу боис, ушбу лойиҳа, аввало, Давлат бюджетининг барқарорлигини таъминлаш ва харажатларни оптималлаштиришнинг устувор йуналишларини инобатга олган ҳолда ишлаб чиқилган.

Депутатлар мазкур қонун лойиҳаси муҳокамасида уни сўзсиз қабул қилиш зарур эканлигини эътироф этдилар.

Маълумки, Президентимизнинг 2020 йил 19 мартдаги Фармонига мувофиқ, Молия вазирлиги ҳузурида 10 трлн.сўм микдоридаги Инқирозга қарши курашиш жамғармаси ташкил этилиб, жамғарма маблағлари манбалари қилиб Давлат бюджети маблағлари, халқаро молия институтларининг имтиёзли кредитлари ва қонун билан таъқиқланмаган бошқа манбалар белгиланган.

Шундан келиб чиқиб, Молия вазирлигига ажратиладиган маблағларнинг чегараланган миқдорларига, яъни Қонунга тегишли ўзгартиш киритиш зарурати юзага келди.

Бундан ташқари, Президент қарорларига асосан айрим давлат бошқаруви органлари тузилмасида маъмурий ўзгартиришлар амалга оширилгани, шунингдек, йиллик бюджет тўғрисидаги қонун биринчи марта жорий этилиши муносабати билан амалиётда юзага келаётган айрим ҳолатлардан келиб чиқиб, бошқа ўзгартиришлар ҳам киритилмоқда.

Депутатларнинг қайд этишича, ушбу қонун лойиҳасида яна бир муҳим жиҳат — бюджет маблағларини устувор йуналишларга, яъни корновирус пандемиясига қарши курашиш ва унинг иқтисодиёт тармоқларига салбий таъсирини юмшатиш бўйича биринчи навбатдаги чора-тадбирларга сафарбар қилиниши назарда тутилаётгани эътиборга молик.

Қизғин муҳокамалардан сўнг, қонун қабул қилинди.


Кўришлар сони: 299

Депутатлар минбари

Янгиликлар

01.06.2020
Депутатлар Давлат бюджети ижросидан қониқдими?

Ҳисоб палатаси томонидан 2019 йилда бюджет маблағларининг бирламчи тақсимловчилари соҳага ажратилга...

01.06.2020
Давлат бюджетининг ижроси депутатлар муҳокамасида

2020 йил 1 июнь куни Ўзбекистон Республикаси Олий Мажлиси Қонунчилик палатасининг навбатдаги...

30.05.2020
Ривожланишимизга нималар тўсиқ бўляпти?

Тадбиркорлар бугунги пандемия шароитида қандай фаолият кўрсатмоқда? Ҳукуматимиз томонидан кичик бизн...