Cайт ранги: A A


Палата мажлислари

Хоразм вилояти таркибида Тупроққалъа тумани ташкил этилмоқда

Хоразм вилояти таркибида Тупроққалъа тумани ташкил этилмоқда

 Ўзбекистон Республикаси Олий Мажлиси Қонунчилик палатасининг навбатдаги мажлиси бўлиб ўтди. Унда депутатлар қатор қонун лойиҳалари билан бир қаторда Хоразм вилояти таркибида Тупроққалъа туманини ташкил этиш ҳамда Ҳазорасп тумани чегараларини ўзгартириш тўғрисидаги масалани ҳам кўриб чиқдилар.

Ўзбекистон Республикаси Президенти Шавкат Мирзиёевнинг 2020 йил 12-13 март кунлари Хоразм вилоятига ташрифи давомида берилган топшириқларга мувофиқ Вазирлар Маҳкамаси томонидан киритилган мазкур масала ушбу ҳудудда бошқарув ҳамда аҳоли учун ижтимоий-маиший қулайликлар яратишни назарда тутади.

Кўзда тутилаётган ўзгаришларга кўра, Ҳазорасп тумани Питнак шаҳри ҳудудидаги “А.Ибрагимов”, “Муҳаббат”, “Навбаҳор”, “Ёшлик”, “Шарлауқ” “Охунбобоев”, “Обод”, “Саяпир”, “Шехлар”, “Пастом” ва “Саидлар” ҳамда Тупроққалъа маскани ҳудудидаги “Саримой”, “Нукус”, “Ҳазорасп” ва “Тупроққалъа” маҳаллалар ҳудудлари ташкил этилаётган Тупроққалъа тумани таркибига ўтказилади.

Питнак шаҳри эса, Тупроққалъа туманининг маъмурий маркази этиб белгиланмоқда.

Ўз навбатида, чегараси ўзгартирилаётган Ҳазорасп туманидаги сайлов округларидан (25-Қизилқум, 26-Шарлауқ, 27-Темур, 28-Нурушлар, 29-Саяпир, 30-Шехлар) сайланган халқ депутатлари Ҳазорасп тумани Кенгаши депутатлари халқ депутатлари Тупроққалъа туман Кенгаши депутатлари ҳисобланади.

Депутатларнинг фикрича, бу ўзгаришлар ҳудудда қишлоқ хўжалиги, айниқса, чорвачиликни ривожлантиришга, аҳоли бандлигини таъминлашга, ижтимоий-иқтисодий жиҳатдан янада тараққий эттиришга ижобий таъсир кўрсатади.

 

 


Кўришлар сони: 725

Депутатлар минбари

Янгиликлар

08.04.2020
Депутатлар ўз сайловчиларига мурожаат билан чиқди

Инсоният тараққиётнинг ҳозирги кунига қадар жаҳоншумул ютуқларга эришди. Уларни бирма-бир санаш муш...

07.04.2020
Депутатлар жарималар оширилишига қарши овоз берди

Гап шундаки, мамлакатимизда кейинги пайтларда автотранспорт воситалари сонининг кескин ортиши йўлларда...

07.04.2020
Экотуризмни ривожлантириш — муҳим вазифа

Парламент қуйи палатасининг навбатдаги ялпи мажлисида депутатлар томонидан “Ўзбекистон Республикасининг...