Cайт ранги: A A


Палата мажлислари

ЭНДИ ЮРИДИК ШАХСЛАРНИНГ АТОМ ЭНЕРГИЯСИДАН ФОЙДАЛАНИШ СОҲАСИДАГИ ФАОЛИЯТИ ЛИЦЕНЗИЯЛАНАДИ

ЭНДИ ЮРИДИК ШАХСЛАРНИНГ АТОМ ЭНЕРГИЯСИДАН ФОЙДАЛАНИШ СОҲАСИДАГИ ФАОЛИЯТИ ЛИЦЕНЗИЯЛАНАДИ

Олий Мажлис қуйи палатасининг 2019 йил 29 октябрда бўлиб ўтган мажлисида кўриб чиқилган “Ўзбекистон Республикаси Олий Мажлисининг 2001 йил 12 майда қабул қилинган “Амалга оширилиши учун лицензиялар талаб қилинадиган фаолият турларининг рўйхати тўғрисида”ги 222-II-сонли қарорининг 1-иловасига қўшимча киритиш тўғрисида”ги Қонун лойиҳаси парламент аъзолари томонидан атрофлича муҳокама этилди.

Мазкур қонун лойиҳаси Ўзбекистон Республикасининг “Атом энергиясидан тинчлик мақсадларида фойдаланиш тўғрисида”ги Қонунига мувофиқ, юридик шахслар томонидан атом энергиясидан фойдаланиш соҳасидаги фаолияти лицензияланишини белгилаб қўймоқда.

Хорижий мамлакатларнинг айни йўналишдаги қонунчилиги, хусусан, Россия Федерацияси ва Белорусь давлатларининг “Атом энергиясидан фойдаланиш тўғрисида”ги қонунлари нормалари ўрганилганида атом энергиясидан фойдаланиш соҳаси лицензияланиши белгилангани маълум бўлди. Қолаверса, Ўзбекистон Республикасининг “Атом энергиясидан тинчлик мақсадларида фойдаланиш тўғрисида”ги Қонуни 20-моддасига мувофиқ, юридик шахслар томонидан атом энергиясидан фойдаланиш соҳасида олиб бориладиган фаолият лицензияланиши кўзда тутилган.

Шу муносабат билан, мазкур қонун лойиҳаси билан Ўзбекистон Республикаснинг “Ўзбекистон Республикаси Олий Мажлисининг 2001 йил 12 майда қабул қилинган “Амалга оширилиши учун лицензиялар талаб қилинадиган фаолият турларининг рўйхати тўғрисида”ги 222-II-сонли қарорининг 1-иловасига юридик шахслар томонидан атом энергиясидан фойдаланиш соҳасида олиб бориладиган фаолият лицензияланишини назарда тутувчи қўшимча киритилмоқда.

Қонун депутатлар томонидан бирйўла уч ўқишда қабул қилинди.

 

Ўзбекистон Республикаси Олий Мажлиси

Қонунчилик палатаси Матбуот хизмати

 


Кўришлар сони: 439

Депутатлар минбари

Янгиликлар

17.02.2020
Ёшлар парламент аъзоларининг доимий эътиборида

Тошкент вилояти Зангиота туманидаги Маданият саройи ва 32-сонли умумий ўрта таълим мактабида “АКАДЕМИК...

17.02.2020
Экологик партия фракцияси аъзоларининг позицияси қандай?

2020 йил 17 февраль куни Олий Мажлис Қонунчилик палатасидаги Ўзбекистон Экологик партияси фракциясининг...

17.02.2020
Давлат дастури лойиҳаси — фракция аъзолари эътиборида

Жорий йилнинг 17 февраль куни Олий Мажлис Қонунчилик палатасидаги Ўзбекистон “Адолат” социал-демократик...