Cайт ранги: A A


Назорат-таҳлил фаолияти

Долзарб масалалар муҳокама қилинди

Сирдарё вилоятида “Фуқароларнинг мурожаатлари тўғрисида”ги Ўзбекистон Республикаси қонунининг вилоятдаги ижросига бағишланган тадбир бўлиб ўтди.

Ўзбекистон Республикаси Олий Мажлиси Қонунчилик палатасининг Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитасининг йиғилишида вилоят ҳокимлиги, маҳаллий бошқарув ва ҳуқуқни муҳофаза қилувчи органлар раҳбарлари, фуқаролик жамияти институтлари, оммавий ахборот воситалари вакиллари иштирок этди. Унда вилоятдаги давлат органлари ва айрим ташкилотларнинг 2012-2013 йиллардаги фуқаролар мурожаатларини кўриб чиқишига доир фаолияти муҳокама қилинди.

Президентимиз раҳнамолигида фуқароларнинг ҳуқуқ ва эркинликлари, қонуний манфаатларини ҳимоя қилиш, уларнинг турли масалалар юзасидан мурожаатларини қонунда белгиланган муддатларда кўриб чиқиш ва ҳал қилишга алоҳида эътибор қаратилмоқда. Сирдарё вилоятидаги бошқарув органларига 2012-2013 йилларда 39 минг 467 мурожаат келиб тушган.

– Фуқаролар мурожаатларининг ўз вақтида кўрилишига алоҳида эътибор қаратилмоқда, – дейди вилоят ҳокимининг ўринбосари Баҳром Бўронов. – Бу борада жойларда ташкил этилаётган қабуллар, тегишли ташкилот ва корхона раҳбарлари иштирокидаги давра суҳбатлари муҳим аҳамият касб этмоқда. Вилоят прокуратураси томонидан 2013 йилда “Фуқароларнинг мурожаатлари тўғрисида”ги қонун ижроси юзасидан 293 корхона ва ташкилотда ўтказилган текширувлар чоғида 218 қонунбузилиши ҳолати аниқланган. Уларни бартараф этиш юзасидан 12 тақдимнома киритилиб, 35 нафар мансабдор шахс интизомий, 16 нафари маъмурий жавобгарликка тортилди.

Йиғилишда “Фуқароларнинг мурожаатлари тўғрисида”ги Ўзбекистон Республикаси қонунининг Сирдарё вилоятидаги ижроси юзасидан мавжуд муаммоларни бартараф этиш, қонун ижроси самарадорлигини янада ошириш юзасидан қўмитанинг тегишли қарори қабул қилинди.

Кўришлар сони: 2472

Депутатлар минбари

Янгиликлар

15.11.2017
Ислоҳотларнинг ҳуқуқий базасини янада такомиллаштиришга қаратилган долзарб масалалар кўриб чиқилди

Жисмоний соғлом, маънавий ва ақлий камол топган, мустақил фикрловчи, Ватанга садоқатли, қатъий ҳаёти...

09.11.2017
Қонунчилик палатасида “Ёшлар клуби” фаолият бошлайди

Мамлакатимизда бугунги кунда ёшлар масаласи ҳар қачонгидан ҳам долзарб аҳамият касб этиб, ёшларнинг ...

07.11.2017
Парламент ва жамоатчилик назорати: бирламчи тиббий-санитария ёрдами самарадорлигини таъминлашнинг устувор мақсади

Олий Мажлис Қонунчилик палатасида «Бирламчи тиббий-санитария ёрдами муассасалари фаолиятини ташкил...