Cайт ранги: A A


Фракциялар ва депутатлар гуруҳи

Тадбиркорлар ва ишбилармонлар ҳаракати – Ўзбекистон Либерал-Демократик партиясининг фракцияси

Тадбиркорлар ва ишбилармонлар  ҳаракати – Ўзбекистон Либерал-Демократик партиясининг фракцияси

Фракция сайти: http://www.uzlidep.uz

Фракция раҳбари: Хаитов Актам Ахмадович

Тадбиркорлар ва ишбилармонлар ҳаракати- Ўзбекистон Либерал-демократик партиясининг асосий мақсадлари қуйидагилардан иборат:

  • Сиёсий куч сифатида бирлашган ҳолда тадбиркор ва ишбилармонларнинг янада кенгроқ фаолият юритишлари учун янги имкониятлар очиш, уларнинг истиқболини ҳам назарий, ҳам амалий жиҳатдан асослаб бериш, жамиятнинг ушбу табақаси манфаатларини ҳимоялаш баробарида унинг эртанги кунини таъминлаш.
  • Партиянинг давлат бошқаруви, жамиятда шаклланаётган қарашларга таъсир ўтказиш, сиёсий ва иқтисодий ислоҳотларни амалга оширишдаги иштирокини таъминлаш. Давлатнинг ижтимоий-иқтисодий ва сиёсий тараққиёти билан боғлиқ муаммоларни ҳал қилиш, Ўзбекистоннинг халқаро обрўйини оширишда, юртимизда тинчлик ва осойишталикни сақлашда, миллатлараро ва фуқаролараро аҳиллик ва тотувликни мустаҳкамлаш ишида фаол қатнашиш. Ёшларимизни Ватанга муҳаббат ва садоқат, ўз элим, ўз юртим, жон Ўзбекистоним, дея ғурурланиб яшаш руҳида тарбиялашга муносиб ҳисса қўшиш, ҳар қандай шароитда мустақиллик йўлимиз, қадриятларимиз, миллий ва диний анъаналаримиз, урф-одатларимизни қадрлаш, шу билан бирга, барча миллат ва элатлар қадриятларини камситишга йўл қўймаслик, бундай хуружларга қарши изчил кураш олиб бориш.

Фракция тадбирлари

13 December 2015
Қонун устуворлигини таъминлаш — пировард мақсад

– Президентимизнинг Ўзбекистон Республикаси Конституцияси қабул қилинганининг 23 йиллигига бағишланган тантанали маросимдаги маърузасини ўқиб, чуқур мушоҳада қилар эканмиз, унда белгилаб берилган вазифалар ҳуқуқий демократик давлат, кучли фуқаролик жамияти қуриш, энг муҳими, бугунги ҳаётимизни янада фаровон қилиш, одамлар турмуш даражасини изчил юксалтириш, уларнинг ҳуқуқ ва эркинликларини қонун асосида ҳимоя этиш ҳамда бу борада ҳуқуқий кўмак кўрсатиш тизимини янада яхшилашга қаратилгани билан ниҳоятда катта аҳамиятга эгалигига амин бўлмоқдамиз, – дейди Қонунчилик палатаси депутати Гулшана ХУДАЯРОВА.

08 December 2015
Тинч ва фаровон ҳаётимизнинг ҳуқуқий асоси

 “Ўзбекистон” халқаро анжуманлар саройида 5 декабрь куни Ўзбекистон Республикаси Конституцияси қабул қилинган куннинг 23 йиллигига бағишланган тантанали йиғилиш бўлиб ўтди. Унда мамлакатимиз Президенти Ислом Каримов маъруза қилди. Эришилган натижаларнинг сарҳисоби ва келажакда ривожланиш истиқболларини ўзида мужассам этган давлатимиз раҳбарининг мазмунли чиқиши жамоатчилик томонидан чуқур ўрганилмоқда. Маърузада билдирилган ғоялар ва қўйилган вазифалар бош қомусимизнинг Ўзбекистон мустақил ривожланиш йилларида эришган ютуқларнинг туб моҳиятини англаш, ислоҳотлар ислоҳот учун эмас, балки инсон учун амалга ошириладиган, унинг манфаат, ҳуқуқ ва эркинликларини таъминлайдиган, ижтимоий йўналтирилган бозор иқтисодиётига асосланган мустақил демократик давлат барпо этиш бўйича кенг кўламли ишлар самараларини холисона баҳолашга яна бир имкон яратди. Ўзбекистон Республикаси Президенти И. Каримовнинг маърузаси юзасидан Олий Мажлис Қонунчилик палатаси депутатлари томонидан билдирилган фикр-мулоҳазалар.      

05 December 2015
Ёшлар ҳуқуқининг ишончли кафолати

– Бугунги кунда Ўзбекистон аҳолисининг 60 фоиздан ортиғини ёшлар ташкил этади. Шунинг учун ҳам мамлакатимизда амалга оширилаётган барча ижобий ўзгаришлар замирида ҳар томонлама баркамол – жисмонан соғлом, ақлан етук, нафақат кўплаб билимларни, ҳозирги даврда талаб катта бўлган касб-ҳунарларни эгаллаган, айни пайтда, мустақил ва ижодий фикрлашга қодир, интеллектуал салоҳияти юксак ёш авлод тўғрисида ғамхўрлик қилишдек устувор мақсад мужассам экани табиийдир, – дейди ЎзЛиДеП фракцияси аъзоси Элбек ШУКУРОВ.

03 December 2015
Хотин-қизлар ҳуқуқ ва манфаатлари ҳимояси

– Ўзбекистон Республикаси Конституциясининг 46-моддасида хотин-қизлар ва эркаклар тенг ҳуқуқлилиги белгилаб қўйилгани, ўз навбатида, уларнинг давлат ва жамиятни бошқаришдаги иштирокини кенгайтириш, юртимиз равнақи йўлида бор салоҳият ҳамда имкониятларини ишга солиб, меҳнат қилишларига зарур шароит яратаётир. Асосий Қонунимиздаги мазкур норма қатор қонунларимизда ўз ифодасини топган. Чунончи, Фуқаролик кодексининг 17-моддасида барча фуқароларнинг фуқаролик ҳуқуқ ва бурчларига эга бўлиш лаёқати тенг равишда эътироф этилиши, Оила кодексининг 2-моддасида эса оилавий муносабатларда аёл ва эркакнинг тенг ҳуқуқлилиги мустаҳкамлаб қўйилган, – дейди ЎзЛиДеП фракцияси аъзоси Мавлуда ХОДЖАЕВА.

01 December 2015
Тараққиётимиз ва фаровонлигимизнинг ишончли кафолати

– Конституциянинг устуворлиги яна шунда намоён бўладики, ҳар бир демократик давлатнинг асосини инсон ҳуқуқ ва эркинликлари ташкил қилади. Шу маънода мамлакатимиз Конституциясидан “Инсон ва фуқароларнинг асосий ҳуқуқлари, эркинликлари ва бурчлари” бўлими алоҳида ўрин эгаллагани бежиз эмас. Мустақил Ўзбекистон Конституцияси қабул қилинганидан буён ўтган 23 йил мобайнида унинг қоидалари ҳаётга изчил жорий этилди. Ҳаётимизнинг барча жабҳаларида илгари тасаввур қилиб бўлмайдиган ютуқларга эришилди, – дейди ЎзЛиДеП фракцияси аъзоси Шуҳрат Шарафутдинов. 

29 November 2015
Депутатнинг сайловчи олдидаги масъулияти

Ўзбекистон Республикаси Олий Мажлиси Қонунчилик палатасига 46-Учқўрғон сайлов округидан сайланган депутат Иброҳим Ҳожиев Учқўрғон, Норин туманлари сайловчилари ҳамда Наманган вилоятидаги Олий таълим ва ўрта махсус касб-ҳунар таълими муассасалари талабалари билан учрашди.  

28 November 2015
Тадбиркорлар манфаати ва хусусий мулк ҳимояси

– Конституциямиз талаб ва қоидалари мамлакатимизни ислоҳ этиш ва ривожлантириш йўлида мустаҳкам ҳуқуқий асос бўлмоқда, десак муболаға бўлмайди. Ислоҳотлар изчиллик билан амалга оширилгани натижасида иқтисодиёт барқарор ривожланаётгани аҳоли ҳаёт даражаси, турмуши фаровонлиги тобора ошишига замин яратди.Зеро, Конституциясининг 36-моддасида «Ҳар бир шахс мулкдор бўлишга ҳақли. Банкка қўйилган омонатлар сир тутилиши ва мерос ҳуқуқи қонун билан кафолатланади», деб ёзиб қўйилган, – дейди Олий Мажлис Қонунчилик палатаси депутати Элбек ШУКУРОВ.

27 November 2015
Қонунларимиз юқори самара ва унумдорлик билан ишлаши керак!

— Ахборот ва коммуникация технологиялари масалалари қўмитаси томонидан Олий Мажлис Қонунчилик палатасининг "2015 йилга ва кейинги йилларга мўлжалланган ташкилий-ҳуқуқий тадбирлари, қонун ижодкорлиги ва назорат-таҳлил ишлари" дастури ижросига бағишлаб қатор тадбирлар амалга оширилди. Қўмита фаолиятига тааллуқли бўлган 20 та қонун ҳужжатлари инвентаризациядан ўтказилди,дейди қўмита аъзоси, Олий Мажлис Қонунчилик палатаси депутати Шуҳрат Шарафутдинов. 

27 November 2015
Ҳуқуқларимиз кафолатланган ҳужжат

– Ҳуқуқий давлатнинг асосий белгиси - барча фуқароларнинг қонун олдида тенглиги, Конституция ва қонунларнинг устунлиги таъминланишидир. Конституция ва қонунларнинг устунлиги принципи шуни англатадики, бунда барча жорий қонунлар ва меъёрий-ҳуқуқий ҳужжатлар Конституция асосида ва унга мувофиқ бўлиши талаб этилади. – дейди Ўзбекистон Республикаси Олий Мажлиси Қонунчилик палатаси депутати Иброҳим ХОДЖИЕВ.

19 November 2015
Узоқ муддатли Ўзбекистон-Покистон муносабатларининг янги босқичи

O‘zLiDeP Ўзбекистон билан Покистон ўртасидаги ҳамкорлик ривожи нафақат мамлакатларимизнинг узоқ истиқболли манфаатларига хизмат қилиши, балки бутун минтақада хавфсизликни мустаҳкамлаш, савдо-иқтисодий, коммуникация ва гуманитар алоқаларни ривожлантиришга ижобий таъсир этишига ишонади. Бу мамлакатларимиз ўртасида тўғридан-тўғри транспорт тармоқларини барпо этиш, савдо-иқтисодий алоқаларни янада кенгайтириш учун имконият яратади. 


Депутатлар минбари

Фракция таркиби

Тадбирлар тақвими