Фракциялар ва депутатлар гуруҳи
Ўзбекистон «Миллий тикланиш» демократик партиясининг фракцияси
Фракция сайти: www.mt.uz
Фракция раҳбари: Кадиров Алишер Келдиевич
Партиянинг асосий мақсадлари қуйидагилардан иборат:
- Ўзбекистон Республикаси фуқароларида миллий ўзликни англашнинг ўсиши, миллий ғурур, Ватанга садоқат ва муҳаббат туйғусини шакллантириш ҳамда мустаҳкамлаш учун қулай шароитлар яратиш;
- ўз сафида юртнинг ватанпарварларини бирлаштириш, уларнинг интеллектуал ва ижодий салоҳиятини Ўзбекистон манфаатлари ҳамда унинг халқаро обрў-эътиборини ошириш йўлида сафарбар этиш;
- ёшларни ўз Ватанини ҳурмат қилиш, севиш ва у билан фахрланиш, ҳар қандай шароитда миллий мустақилликни, халқнинг қадриятлари, анъаналари ва урф-одатларини асраш ва ҳимоя қилиш руҳида тарбиялаш, шунингдек, унинг маънавий эҳтиёжлари ва қизиқишларини чеклашга бўлган уринишларга қарши курашишга таъсирчан ҳисса қўшиш.
Фракция тадбирлари
Халқ депутатлари Қоровулбозор тумани Кенгаши сессияси
Аграр ва сув хўжалиги масалалари қўмитаси аъзоси Ф. Ибрагимова Бухоро вилояти Қоровулбозор туман ҳокимлиги биносида бўлиб ўтган “2015 йилда Бухоро вилояти Қоровулбозор туманининг ижтимоий-иқтисодий ривожлантириш якунлари ҳамда иқтисодиётни ислоҳ қилиш, таркибий ўзгаришлар ва модернизациялашни янада чуқурлаштириш бўйича 2016 йилги иқтисодий дастурнинг энг устувор вазифалари тўғрисида”ги ҳисоботи юзасидан сессияси”да маъруза билан иштирок этди. Тадбирда ушбу масала юзасидан туман ҳокими ҳисоботи эшитилди.
Қонунлар тарғиботи давом этмоқда
Бухоро қишлоқ ва сув хўжалиги бошқармасида бўлиб ўтган “Ветеринария тўғрисида”ги Ўзбекистон Республикаси Қонунининг тарғиботига бағишланган семинарда Аграр ва сув хўжалиги масалалари қўмитаси аъзоси Ф.Ибрагимова ўз маърузаси билан иштирок этди.
Қонун лойиҳаси бўйича таклифлар олинмоқда
Бухоро қишлоқ ва сув хўжалиги бошқармаси залида бўлиб ўтган “Меҳнатни муҳофаза қилиш тўғрисида”ги Ўзбекистон Республикаси Қонунига ўзгартиш ва қўшимчалар киритиш ҳақида”ги Ўзбекистон Республикаси қонуни лойиҳасининг муҳокамасига бағишланган тадбирда Аграр ва сув хўжалиги масалалари қўмитаси аъзоси Ф.Ибрагимова иштирок этди.
Барқарор ривожланишнинг муҳим кафолати
– Президентимиз узоқни кўзлайдиган кенг кўламли Дастурни ҳаётга жорий этиш масаласига тўхталар экан, иқтисодиётимиздаги чуқур таркибий ўзгаришларни амалга ошириш, кичик бизнес ва хусусий тадбиркорлик манфаатларини ишончли ҳимоя қилиш, энг муҳими, Конституциямизда назарда тутилганидек, хусусий мулкнинг қонуний, меъёрий-ҳуқуқий ва амалий жиҳатдан устувор ролини таъминлаш, Ўзбекистон иқтисодиётида давлат иштирокини босқичма-босқич камайтиришга қаратилганини таъкидлаб ўтди, – дейди Ўзбекистон "Миллий тикланиш" демократик партияси аъзоси Алишер ҚОДИРОВ.
Демократик кучлар блоки бухгалтерия ҳисоби тизимининг самарадорлиги учун
2016 йил 13 январь куни Ўзбекистон Республикаси Олий Мажлиси Қонунчилик палатасида «Демократик кучлар блоки»нинг навбатдаги йиғилиши бўлиб ўтди. Йиғилиш иштирокчилари «Бухгалтерия ҳисоби тўғрисида»ги амалдаги Қонунга ўзгартиш ва қўшимчалар киритишни назарда тутадиган қонун лойиҳасини кўриб чиқдилар.
Парламент сўрови якунлари қизғин муҳокама қилинмоқда
– Қонунчилик палатасида ўтказилган парламент сўровида билдирилган таклиф ва тавсиялар ва уларнинг амалга татбиқ этиш мамлакатимизда сув ресурсларидан оқилона ва тежамкорлик билан фойдаланиш, бунинг асосида қишлоқ хўжалиги ишлаб чиқаришининг барқарор ишлашини таъминлаш ҳамда қишлоқ хўжалиги экинлари ҳосилдорлигини кўпайтиришга хизмат қилади, – дейди Аграр ва сув хўжалиги масалалари қўмитаси аъзоси Шерзод Раҳимов.
Қонунга ҳурмат қонун устуворлигининг муҳим омили
– Давлатимиз раҳбари маърузасида қонунларнинг бажарилиши ва таъсирчанлигини янада кучайтириш, уларни амалга ошириш механизмларини аниқ белгилаб берувчи ҳужжатлар, қонунлар ва уларни ҳаётга жорий этиш механизмларини ҳар томонлама пухта ишлаб чиқиш, меъёрий-ҳуқуқий ҳужжатларни ижрочиларга етказишни аниқ тартибга соладиган махсус қонун ҳужжатини қабул қилиш, қонун ижрочилиги фаолиятини прогноз қилиш ва режалаштириш бўйича самарали тизим яратиш масалаларига алоҳида эътибор қаратди, – дейди Олий Мажлис Қонунчилик палатаси депутати Шуҳрат ТЎХТАБОЕВ.
Бугун Ўзбекистон Республикасининг Давлат мадҳияси қабул қилинганига 23 йил тўлди
– Юксак ватанпарварлик туйғусини мужассам этган мадҳиямиз бугун таълим масканларида ёш авлоднинг Ватанга муҳаббат руҳида камол топишига хизмат қилмоқда. Энди ҳарф таний бошлаган жажжи фарзандларимиз миллатимизнинг бош қўшиғини куйлай бошлаганида севинчдан ҳаяжонга тушамиз. Зеро, юртнинг энг улуғ қўшиғини эъзозлаш, ёд олиш ва баралла куйлаш ҳар бир юртдошимизнинг бурчидир, – дейди ЎзМТДП фракцияси аъзоси Акмал ЖУМАБОЕВ.
Соғлом она ва бола – оила бахти
– Танатанали йиғилишда Юртбошимиз “Соғлом авлодни вояга етказиш борасида болаларимиз ўртасида жисмоний тарбия ва спортни янада кенг оммалаштириш, шу мақсадда янги спорт объектларини қуриш, уларнинг моддий-техник базасини мустаҳкамлаш каби вазифаларни кун тартибига қўйиш зарурлиги ҳақида ортиқча гапириб ўтиришнинг ҳожати йўқ” дея таъкидладилар, – дейди Олий Мажлис Қонунчилик палатаси депутати Жаҳонгир ШИРИНОВ.
Тинч ва фаровон ҳаётимизнинг ҳуқуқий асоси
“Ўзбекистон” халқаро анжуманлар саройида 5 декабрь куни Ўзбекистон Республикаси Конституцияси қабул қилинган куннинг 23 йиллигига бағишланган тантанали йиғилиш бўлиб ўтди. Унда мамлакатимиз Президенти Ислом Каримов маъруза қилди. Эришилган натижаларнинг сарҳисоби ва келажакда ривожланиш истиқболларини ўзида мужассам этган давлатимиз раҳбарининг мазмунли чиқиши жамоатчилик томонидан чуқур ўрганилмоқда. Маърузада билдирилган ғоялар ва қўйилган вазифалар бош қомусимизнинг Ўзбекистон мустақил ривожланиш йилларида эришган ютуқларнинг туб моҳиятини англаш, ислоҳотлар ислоҳот учун эмас, балки инсон учун амалга ошириладиган, унинг манфаат, ҳуқуқ ва эркинликларини таъминлайдиган, ижтимоий йўналтирилган бозор иқтисодиётига асосланган мустақил демократик давлат барпо этиш бўйича кенг кўламли ишлар самараларини холисона баҳолашга яна бир имкон яратди. Ўзбекистон Республикаси Президенти И. Каримовнинг маърузаси юзасидан Олий Мажлис Қонунчилик палатаси депутатлари томонидан билдирилган фикр-мулоҳазалар.
Депутатлар минбари
Янгиликлар
Қуйи палата Кенгаши йиғилиши қандай ўтказилди?
2020 йил 27 март куни Ўзбекистон Республикаси Олий Мажлиси Қонунчилик палатаси Кенгашининг навбатдаги...
Қонунчилик палатаси Кенгашида Евроосиё иқтисодий иттифоқи билан ҳамкорликка оид ташкилий масалалар кўриб чиқилди
Ўзбекистон Республикаси Олий Мажлиси Қонунчилик палатаси Кенгашининг 2020 йил 26 мартда бўлиб ўтган...
