Cайт ранги: A A


Қонунчилик палатаси девони

Ўзбекистон Республикаси Олий Мажлиси Қонунчилик палатасининг Девони Ўзбекистон Республикаси Олий Мажлиси Қонунчилик палатасининг доимий фаолият кўрсатувчи ишчи органи бўлиб, Қонунчилик палатаси, унинг органлари ва депутатлар фаолиятининг ташкилий, ҳуқуқий, ахборот, таҳлилий, моддий-техника ва молиявий таъминотини амалга оширади.

Қонунчилик палатаси Девони ўз фаолиятида Ўзбекистон Республикасининг Конституциясига, Ўзбекистон Республикаси қонунларига, Қонунчилик палатаси, унинг Кенгаши қарорларига, Қонунчилик палатаси Спикерининг фармойишларига ва ушбу Низомга амал қилади.

Қонунчилик палатаси Девони ўз фаолиятини Ўзбекистон Республикаси Президентининг, Ўзбекистон Республикаси Олий Мажлиси Сенатининг, Ўзбекистон Республикаси Вазирлар Маҳкамасининг девонлари, ижро этувчи ҳокимият ва суд ҳокимияти органлари, маҳаллий давлат ҳокимияти органлари билан ўзаро ҳамкорликда амалга оширади.

Қонунчилик палатаси Девони Қонунчилик палатаси Спикерининг ва Қонунчилик палатаси Девони раҳбарининг бевосита раҳбарлиги остида ишлайди.

Қонунчилик палатаси Девонига Қонунчилик палатаси Девонининг раҳбари бошчилик қилади.

Қонунчилик палатаси Девони раҳбарининг ўринбосари бўлади, у Қонунчилик палатаси Девони тузилмавий бўлинмаларининг қонун ижодкорлиги фаолияти соҳасидаги ишини мувофиқлаштириб боради, Қонунчилик палатаси Девони раҳбари йўқлигида унинг вазифаларини бажаради, шунингдек ўзига топширилган иш участкаларига раҳбарлик қилади.

Қонунчилик палатаси Девони қуйидаги тузилмавий бўлинмаларни ўз ичига олади:

Қонунчилик палатасининг қўмиталари ҳузуридаги котибият;

Қонун лойиҳаларини ва бошқа норматив-ҳуқуқий ҳужжатлар лойиҳаларини кўриб чиқишни ташкил этиш бўйича мувофиқлаштирувчи гуруҳ;

Ташкилий-назорат ва таҳлил бўлими;

Юридик бўлим;

Матбуот ва таҳририят бўлими;

Халқаро алоқалар бўлими;

Матбуот хизмати;

Ахборот-коммуникация технологиялари бўлими;

Хатлар ва фуқароларни қабул қилиш бўлими;

Умумий бўлим;

Молия, ҳисоб ва ҳисобот бўлими;

Моддий-техника таъминоти бўлими.

Қонунчилик палатаси Девони бўлимлари таркибида секторлар, гуруҳлар ва бошқа тузилмавий бўлинмалар тузилиши мумкин.

Қонунчилик палатасининг қўмиталари ҳузуридаги котибиятнинг асосий вазифалари қуйидагилардан иборат:

қўмиталарнинг қонун ижодкорлигига доир фаолиятини ташкилий, услубий, ахборот ва илмий-маслаҳат жиҳатидан таъминлаш;

қўмиталарга маслаҳат, услубий ва ахборотга оид ёрдам кўрсатиш, уларга тадбирларини ташкил этиш ва ўтказишда кўмаклашиш;

қонун лойиҳаларини тайёрлаш учун ишчи гуруҳларни шакллантиришда қўмиталарга кўмаклашиш ва уларнинг ишида иштирок этиш;

қўмиталарда иш юритишни ташкил этиш ва олиб бориш, ҳужжатларнинг ўз вақтида ўтиши ва Қонунчилик палатаси раҳбариятининг топшириқлари ўз вақтида бажарилиши юзасидан назорат олиб бориш.

Мувофиқлаштирувчи гуруҳнинг асосий вазифаси Қонунчилик палатасига киритилган қонун лойиҳаларининг ва бошқа норматив-ҳуқуқий ҳужжатлар лойиҳаларининг кўриб чиқилишини ташкил этиш ҳамда бу лойиҳаларни Қонунчилик палатасида тайёрлаш, кўриб чиқиш, шунингдек қабул қилишнинг ёки бекор қилишнинг барча босқичларида кузатиб боришдан иборат.

Ташкилий-назорат ва таҳлил бўлимининг асосий вазифалари қуйидагилардан иборат:

Қонунчилик палатаси, унинг органлари ва депутатлари фаолиятини ташкилий, ахборот-таҳлилий ва маслаҳат жиҳатидан таъминлаш;

Олий Мажлис Қонунчилик палатаси фаолиятининг асосий йўналишлари бажарилишини мониторинг қилиш ва ҳар томонлама таҳлил этишни амалга ошириш, ушбу йўналишлар самарадорлигини кучайтириш бўйича таклифлар ишлаб чиқиш;

қонун ижодкорлиги жараёнининг кенг кўламли таҳлилини амалга ошириш, қонунларни рўёбга чиқариш механизмларини такомиллаштириш бўйича таклифлар ишлаб чиқиш;

Қонунчилик палатасининг депутатлари, қўмиталари ва депутатлар бирлашмаларига улар томонидан назоратга оид ваколатларини амалга оширишда услубий ва амалий ёрдам кўрсатиш.

Юридик бўлимнинг асосий вазифалари қуйидагилардан иборат:

кўриб чиқиш учун Қонунчилик палатасига келиб тушган қонунлар, қарорлар лойиҳаларининг, Қонунчилик палатасида ишлаб чиқилаётган норматив-ҳуқуқий ҳужжатлар ва бошқа ҳужжатлар лойиҳаларининг ҳуқуқий экспертизасини амалга ошириш;

норматив-ҳуқуқий ҳужжатлар ва бошқа ҳужжатлар лойиҳаларини ишлаб чиқиш, шунингдек ҳуқуқий тусдаги маълумот ва ахборот материалларини тайёрлаш;

Қонунчилик палатаси раҳбариятига, Қонунчилик палатаси қўмиталарига (комиссияларига), депутатларига ва Қонунчилик палатаси Девонининг бошқа тузилмавий бўлинмаларига ахборот-ҳуқуқий жиҳатдан кўмаклашиш;

қўмиталарнинг фаолиятига ахборот-ҳуқуқий жиҳатдан кўмаклашиш, юридик-маслаҳат ёрдами кўрсатиш;

Қонунчилик палатасига келиб тушаётган норматив-ҳуқуқий ҳужжатларни ҳисобга олишни амалга ошириш ва тизимлаштириш.

Матбуот ва таҳририят бўлимининг асосий вазифалари қуйидагилардан иборат:

қонунлар, қарорлар ва бошқа ҳужжатлар лойиҳаларида норматив-ҳуқуқий атамаларнинг ўз мазмунига мувофиқ бир хил ҳамда тўғри қўлланилишини, адабий тил қоидалари ва нормаларининг, юридик, техник ва бошқа махсус қоидаларнинг талабларига аниқ риоя этилишини таъминлаш;

Қонунчилик палатасининг матбуот органлари фаолиятини мувофиқлаштиришда иштирок этиш;

Қонунчилик палатасининг, унинг Кенгашининг, шунингдек Қонунчилик палатаси Девонининг фаолияти билан боғлиқ ҳужжатларни таҳрир ва таржима қилишни амалга ошириш.

Халқаро алоқалар бўлимининг асосий вазифалари қуйидагилардан иборат:

халқаро муносабатларни амалга оширишда Қонунчилик палатаси фаолиятини ташкилий, ахборот, таҳлилий ва маслаҳат жиҳатидан таъминлаш;

Қонунчилик палатасининг, унинг қўмиталарининг (комиссияларининг), парламентлараро гуруҳларнинг халқаро ва парламентлараро алоқаларини таъминлаш, бу алоқаларни ривожлантириш ва кенгайтиришга кўмаклашиш, шунингдек чет эл дипломатик ваколатхоналари, халқаро ташкилотларнинг ваколатхоналари ва Ўзбекистон Республикаси ҳудудидаги бошқа чет эл ваколатхоналари билан Бўлимнинг ваколатига кирувчи масалалар юзасидан амалий алоқалар боғлаб туриш;

қўмиталарга халқаро муносабатлар, парламентлараро алоқалар масалалари бўйича ахборот-ҳуқуқий жиҳатдан кўмаклашиш, маслаҳат ёрдами кўрсатиш;

Қонунчилик палатасида хорижий парламент делегацияларининг, бошқа делегацияларнинг ва чет эллик меҳмонларнинг ташрифларини, шунингдек Қонунчилик палатаси депутатларининг, унинг Девони ходимларининг ташрифларини, хизмат сафарларини ташкил этишга доир тадбирларни амалга ошириш.

Матбуот хизматининг асосий вазифалари қуйидагилардан иборат:

Қонунчилик палатаси, унинг органлари ва депутатлар фаолияти тўғрисида жамоатчиликни холисона хабардор этиш бўйича ишларни ташкил этиш;

миллий ва хорижий оммавий ахборот воситалари билан ҳамкорликни ташкил этиш;

Қонунчилик палатасининг фаолияти тўғрисида расмий хабарларни тайёрлаш ҳамда оммавий ахборот воситаларида ва Қонунчилик палатасининг расмий веб-сайтида тезкорлик билан тарқатиш.

Ахборот-коммуникация технологиялари бўлимининг асосий вазифалари қуйидагилардан иборат:

Олий Мажлис Қонунчилик палатасида ахборот технологиялари ва коммуникацияларини ривожлантириш ҳамда қўллаш соҳасидаги ягона давлат сиёсатини ишлаб чиқиш ва амалга оширишда иштирок этиш;

Олий Мажлис Қонунчилик палатасида ахборот технологияларини янада ривожлантириш ва «Электрон парламент» тизимини жорий этишга доир комплекс дастурни такомиллаштириш ва амалга оширишда иштирок этиш;

Қонунчилик палатасининг ахборот-коммуникация тизимини, шу жумладан электрон овоз бериш тизимини шакллантириш, ривожлантириш ва ундан фойдаланиш;

Қонунчилик палатасининг, унинг Кенгашининг, қўмиталарининг (комиссияларининг), Қонунчилик палатаси депутатларининг ва Девони ходимларининг фаолиятига ахборот-техник жиҳатдан хизмат кўрсатиш ва қўллаб-қувватлаш;

Қонунчилик палатаси депутатларига ва унинг Девони ходимларига қонун лойиҳаларини кўриб чиқишда, шунингдек ахборот-коммуникация технологиялари соҳасидаги бошқа масалаларни ҳал этишда кўмаклашиш.

Ахборот-коммуникация технологиялари бўлими ўз зиммасига Девон раҳбари томонидан юклатилган бошқа вазифаларни ҳам амалга ошириши мумкин.

Хатлар ва фуқароларни қабул қилиш бўлимининг асосий вазифалари қуйидагилардан иборат:

Қонунчилик палатасига келиб тушаётган ва ундан чиқиб кетаётган хатларга доир ишларни ташкил этиш;

жисмоний ва юридик шахсларнинг Қонунчилик палатасига келиб тушаётган мурожаатлари билан ишлашни ташкил этиш;

жисмоний ва юридик шахсларнинг ҳуқуқлари, эркинликлари ва қонуний манфаатлари, шунингдек шахс, жамият ва давлат манфаатлари бузилишини келтириб чиқараётган сабабларни аниқлаш ҳамда бартараф этиш мақсадида мурожаатларни умумлаштириш ва таҳлил қилиш.

Умумий бўлимнинг асосий вазифалари қуйидагилардан иборат:

Қонунчилик палатаси, унинг Кенгаши мажлисларига ташкилий-техник хизмат кўрсатилишини таъминлаш;

иш юритишни олиб боришда Қонунчилик палатасининг қўмиталарига (комиссияларига), депутатлар бирлашмаларига ва Қонунчилик палатаси Девонининг тузилмавий бўлинмаларига услубий ёрдам кўрсатиш;

Қонунчилик палатасида иш юритишни ташкил этиш ва таъминлаш;

Қонунчилик палатаси, унинг Кенгаши мажлисларининг ва Қонунчилик палатасида ўтказиладиган бошқа тадбирларнинг стенограммалари ҳамда баённомалари ўз вақтида юритилиши ва расмийлаштирилишини ташкил этиш;

Қонунчилик палатаси кутубхонасининг ишини ташкил этиш.

 

МИРАЛИМОВ

Миракмал Мирахматович

Ўзбекистон Республикаси Олий Мажлиси Қонунчилик палатаси Девони раҳбари

ТЎЛАГАНОВ 
Хожиакбар Тоҳиржонович

Матбуот котиби

РУСТАМОВ 
Бурхан Мавлянович

Қўмиталари ҳузуридаги котибият бошлиғи

ШОХНАЗАРОВ 
Тоҳир Тўхтамуродович

Юридик бўлим мудири

Ташкилий-назорат ва таҳлил бўлими мудири

Халқаро алоқалар бўлими мудири

ДЖУРАЕВА 
Саида Абдукамиловна

Матбуот ва таҳририят бўлими мудири

САБИРЖОНОВ

Равиль Салихович

Қонун лойиҳаларини ва бошқа норматив-ҳуқуқий ҳужжатлар лойиҳаларини кўриб чиқишни ташкил этиш бўйича мувофиқлаштирувчи гуруҳ раҳбари

КУРЬЯЗОВ

Хаким Хушнудович

Умумий бўлим мудири

Хатлар ва фуқароларни қабул қилиш бўлими мудири

МУСАЕВ 
Рахмиддин Зайниддинович

Моддий-техника таъминоти бўлими мудири


Депутатлар минбари

Янгиликлар

17.11.2018
ЎзЛиДеП фракцияси таклифлари 2019 йилги Бюджетномада акс этди

Мисол учун, 2018 йилда 9,6 трлн. сўм маблағ мазкур тизимга йўналтирилди. Бу эса, 2017 йилга нисбатан...

17.11.2018
Депутатлар Давлат бюджетининг 2018 йил 9 ойидаги ижросини муҳокама қилдилар

2018 йилнинг тўққиз ойида Давлат бюджетидан илм-фанни ривожлантиришга молиялаштирилган 213,3 млрд. сўм...

17.11.2018
2019 йил Бюджетномаси депутатлар томонидан қизғин муҳокама қилинди

Мажлисда қайд этилганидек, 2019 йилда ялпи ички маҳсулотнинг ўсиши кейинги йилларда унинг ижобий...